E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Kuvendi dhe KLSH, partnerë për kontrollin e ekzekutivit

4 Qershor 2018, 14:58, Aktualitet CNA

Kryetari i Kuvendit, z. Gramoz Ruçi, mori pjesë në prezantimin e Strategjisë për zhvillimin e KLSH-së, 2018-2022, organizuar nga Kontrolli i Lartë i Shtetit dhe SIGMA. Tema e diskutimit ishte ?Zhvillimi i marrëdhënieve efikase të punës mes institucioneve të larta të auditit dhe parlamenteve?. Në këtë veprimtari morën pjesë edhe z. Bujar Leskaj, kryetar i Kontrollit të Lartë të Shtetit, Z. Engjëll Agaçi, Sekretar i Përgjithshëm i Këshillit të Ministrave, deputetët Anasatas Angjeli dhe Florian Mima, z. Alastair Sëarbrick, këshilltar i Lartë i SIGMA-s, z. Stephen Stork, përfaqësues i EUD në Shqipëri.

Në fjalën e tij, Kryetari i Kuvendit e cilësoi produktiv partneritetin mes Kuvendit dhe Kontrollit të Lartë të Shtetit. ?Komisionet parlamentare dhe deputetët i kanë shfrytëzuar dhe janë mbështetur në indiciet nga auditimet e Kontrollit në ushtrimin e detyrave të tyre funksionale për kontrollin parlamentar, si edhe në angazhimin për të qenë konkret e aktiv në luftën kundër korrupsionit, abuzimeve dhe defekteve të tjera të qeverisjes. Askush nuk është i përsosur, por ne edhe ju duhet të bëhemi gardianë më të vëmendshëm të ligjshmërisë, ndershmërisë dhe eficiencës së qeverisjes. Qeverisja nga populli, me popullin dhe për popullin garantohet në radhë të parë nëpërmjet kontrollit parlamentar dhe auditimit të veprimtarisë së saj?, ? u shpreh z. Ruçi.

Z. Ruçi solli në vëmendjen e të pranishmëve krijimin e mekanizmit ndërinstitucional Kuvend-Qeveri-Institucione të Pavarura në vitin 2017, instrument të cilin e vlerësoi efikas për monitorimin sistematik të ndjekjes e zbatimit të rekomandimeve të institucioneve të pavarura ndaj ekzekutivit. Mekanizmi i ngritur nga Kuvendit, sipas z. Ruçi, gjeti vlerësime edhe në raportin e Komisionit Evropian për Shqipërinë në Prill 2018.

Kryetari i Kuvendit, në fjalën e mbajtur në aktivitetin e KLSH-së dhe SIGMA-s, deklaroi që Kuvendi është duke punuar njëherazi për fuqizimin e rolit të tij ligjbërës e kontrollues duke njohur rëndësinë në këtë proces të rekomandimeve të Kontrollit të Lartë të Shtetit.

Gjithashtu, z. Ruçi parashtroi rekomandimet e tij mbi fuqizimin e bashkëpunimit midis Kuvendit dhe KLSH-së. Z. Ruçi i kërkoi KLSH-së të jetë më aktive, më cilësor dhe ëm vizionar në dhënien e rekomandimeve për përmirësimin e legjislacionit në përgjithësi dhe për atë të investimeve e prokurimeve publike në veçanti. Kryetari i Kuvendit kërkoi nga përfaqësuesit e KLSH-së, që të jenë më të ashpër dhe rigorozë në zbatimin e ligjeve të miratuara. Nga ana tjetër, Kryetari Ruçi shprehu gatishmërinë e ndihmës për qeverinë, institucionet dhe agjencitë që menaxhojnë financat publike, në drejtim të shmangies dhe luftimit të praktikave korruptive dhe abuzive.

?Para dy vitesh Kuvendi ka rekomanduar ngritjen e nënkomisionit parlamentar për çështjet e Kontrollit të Lartë të Shtetit, si një praktikë që funksionon në shumë vende evropiane. Personalisht do të marr të gjitha masat për ngritjen sa më të shpejtë, brenda këtij sesioni, të nënkomisionit?, ? shprehu në formë zotimi në mbyllje të fjalës së tij, z. Gramoz Ruçi.

Kryetari i Kontrollit të Lartë të Shtetit, z. Bujar Leskaj, në fjalën e tij e cilësoi mjaft të rëndësishëm bashkëpunimin mes KLSH-së dhe Kuvendit. Ai shprehu bindjen që kjo marrëdhënie jetike mes parlamentit dhe institucionit të lartë auditues duhej thelluar. Z. Leskaj rikonfirmoi zotimin e strategjive të mëparshme të zhvillimit, që marrëdhënia KLSH-Kuvend të jetë optimal, ku, sipas z. Leskaj: ? KLSH do të shërbejë tërësisht si struktura numër një e informimit të Kuvendit për mirëadministrimin e pronës shtetërore, si për shumicën dhe për pakicën parlamentare, nëpërmjet raporteve periodike të saj si edhe takimeve të njëpasnjëshme me anëtarët e Kuvendit dhe posaçërisht të komisionit parlamentar të Ekonomisë dhe Financave?.

Pas diskutimeve, që në themel kishin marrëdhëniet KLSH-parlament, tryeza vijoi me një format diskutimesh akademike në kuadër të strategjisë së zhvillimit të KLSH-së për periudhën 2018-2022./CNA.al