web counter
LEXO PA REKLAMA!

SHKARKO APP

App Store
Google Play

“Shpërthen” deputeti demokrat/ Gjykatat dhe prokuroria nën kontroll politik

4 Qershor 2018, 13:07, Aktualitet CNA

Deputeti i Partisë Demokratike, Luçiano Boçi, i ftuar në rubrikën ?Opinion? në studion e lajmeve në News24, foli për debatin e nxehtë me ofendime ditën e sotme në Komisionin e Medias.

Në komision sot çështja kryesore që u diskutua ishte dhuna ndaj kryeredaktorit të gazetës ?Rilindja Demokratike?, Bledi Kasmi, nga policia në protestën e opozitës një javë më parë.

?Të gjitha rrugët të çojnë tek shtimi i dhunës, nuk është vetëm rasti i Kasmit rast unikal, ka ardhur në progresion. Është rasti i Hamza Atikës, rasti i Jetmir Olldashit, i Ambrozias, ku në komunikim të drejtëpërdrejtë apo jo të tillë, ka ushtrim presion. Kjo e Kasmit kishte vëmendje të madhe se ndodhi në sy të medias. Një gazetar që kundërshton këtë vijë politike të PS, artikulim të së vërtetës, shqetësimi ynë është ky që cënimi i lirisë së medias është përshkallëzuar. Shqipëria ka humbur pozicione në lirinë e shtypit, në rajon e rang më të gjerë.

Sot vendimet e drejtësisë nuk meren në prokurori, por në proceset që ndërmerr policia. Policia sigurisht është politike, e kontrolluar nga Rama. Ashtu si gjykatat dhe kryeprokuroria. Kemi një polici që ushtron dhunë e presion në të gjitha format,? tha Boçi.

Ndërsa përsa i përket tarifës së rrugës së Kombit, edhe ndryshimin e pagesës për qytetarët kuksianë deputeti demokrat e konsideron vjedhje nga ana e qeverisë.

?Sa herë e vërteta i përplaset në fytyrë qeverisë në bashkëpunim me krimin, do të ketë protesta. Në raport me protestën e Kukësit, ajo ishte e iniciuar nga vetë kuksianët, e mbështetur nga opozita. Ka ende të arrestuar që rrinë në qeli. Edhe çmimi 100 lekë është grabitje. Vjedhje quhet. Nëse kemi taksë karburanti, s?kemi pse kemi taksë rruge,? u shpreh Boçi.





Lajmet e fundit nga