web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu dhuron gjak për fëmijët talasemikë  

4 Qershor 2018, 11:33, Aktualitet CNA

Në periudhën më të vështirë të vitit, kur rritet nevoja për mbulimin me gjak, Ministria e Shëndetësisë dhe Mbrojtjes Sociale nisi sot fushatën e dhurimit vullnetar të gjakut: 10 minuta për të shpëtuar 3 jetë!

Ministrja Manastirliu dhe stafi I shëndetësisë dhe mbrojtjes sociale dhuruan sot gjak në ndihmë të fëmijëve talasemikë.

?Kjo e në vijim është një periudhë e vitit ku nevojat për gjak janë të mëdha ndaj Ministria e Shëndetësisë dhe Mbrojtjes Sociale nis sot fushatën e dhurimit të gjakut: 10 minuta për të shpëtuar 3 jetë! Për të ndihmuar ata që kanë nevojë për gjak, në mënyrë të veçantë fëmijët talasemikë?, tha Manastirliu.

Ministrja theksoi se ne kemi 10.7 dhurime për 1000 banorë ndërsa nevojat janë dy herë më të mëdha ndaj bëri këtë apel për qytetarët:

?Nevojat e vendit për gjak janë 20 dhurime për 1 mijë banorë ndaj gjej rastin të bëj një apel për qytetarët të na bashkohen në këtë iniciativë që i vjen në ndihmë së pari fëmijëve me sëmundje gjaku. Në këtë fushatë 1-mujore, e cila padyshim do të vijojë edhe më tej, ne synojmë të arirjmë 1 mijë dhurues, për 3 mijë jetë të shpëtuara?, u shpreh Ministrja e Shëndetësisë dhe Mbrojtjes Sociale.

Fushata do të shtrihet në të gjithë vendin nga sot deri më datë 4 Korrik, për të ndihmuar në plotësimin e nevojave me gjak, posaçërisht për fëmijët talasemikë./CNA.al





Lajmet e fundit nga