web counter
LEXO PA REKLAMA!

SHKARKO APP

App Store
Google Play

E fundit!

x

U lëndua në protestën e opozitës/ Kasmi: Goditja mund të kishte qenë vdekjeprurëse

4 Qershor 2018, 09:34, Aktualitet CNA

Kryeredaktori i gazetës ?Rilindja Demokratike?, Bledi Kasmi, i cili u lëndua gjatë protestës së opozitës me 26 maj, ka zhvilluar paraditen e sotme një seancë dëgjimore në Komisionin parlamentar të Medias.

Kasmi është për të dëshmuar në lidhje me dhunën e ushtruar nga Policia e Shtetit më 26 maj 2018.

Teksa është paraqitur para anëtarëve të Komisionit me shenjë në kokë, ai ka treguar si ka ndodhur ngjarja.

?Unë kam një karrierë të gjatë punës si gazetar, 24 vite. Kurrë nuk kam pasur probleme me ligjin, dhe as me forcat e rendit. Ditën e protestës pati përplasje përpara Ministrisë së Brendshme. Unë isha duke bërë punën time. U godita me shkop hekuri në kokë?, tha Kasmi.

Sakaq, ai ka treguar se gjatë protestës është goditur me shkop gome edhe një protestues tjetër.

?Para se të ndodhte incidenti një protestues është goditur me shkop gome në qafë e shpinë, dhe ka rënë pa ndjenja. Është dërguar me ambulancë në spital, dhe aty është përmendur?, tha Kasmi.

Gazetari Kasmi theksoi se protesta ishte paqësore, dhe pastaj pati një moment agresioni dhe dhune nga forcat speciale.

Ai tha se pas këtij incidenti janë gjendur në kushtet e vetëmbrojtjes, ose të largohen nga protesta.

Gjithashtu ai tha se goditja mund të kishte pasur pasoja të rënda, gati edhe vdekjeprurëse nëse shkopi do kishte kapur vetëm pak centimetra nga vendi i plagës./ CNA.al





Lajmet e fundit nga