web counter
LEXO PA REKLAMA!

SHKARKO APP

App Store
Google Play

E fundit!

x

Kishin shndërruar pallatin në "supermarket" droge/ Shkatërrohet banda shqiptaro-italiane

4 Qershor 2018, 15:42, Aktualitet CNA

Autoritetet italiane kanë arritur të shkatërrojnë një bandë tjetër droge në Frosinone, nga ku u arrestuan 13 persona si pjesë e një organizate shitjeje dhe shpërndarjeje lëndësh narkotike.

Në operacionin e koduar “Hijet e gjata” janë angazhuar rreth 50 agjentë të policisë dhe kuesturës së Frosinones, në bashkëpunim me strukturën e qenve të antidrogës.

Ky grup i strukturuar kriminal kishte kthyer një pallat në një supermarket droge, ku mund të aksesohej në çdo orë, ndërsa hetimi ndaj kësaj organizate kriminale kishte nisur që në dhjetor të 2015. Kjo organisatë udhëhiqej nga një grup shqiptarësh, të ciët kontrollonin një ndërtesë të tërë publike në Frosinone.

Blerësit, që vinin edhe nga zonat fqinje me Frosinone, e dinin se në çdo kohë të ditës ose të natës, ata mund të vinin lirshëm dhe pa paralajmërim në pallat dhe të blinin çdo lloj droge.

Më popullorja ishte e ashtuquajtura mini dozë kokainë ?e pjekur? ose kokainë në formën e duhanit për t?u tymosur, që peshonte 300 miligramë, e shitur për 20 euro; doza e kokainës madje reklamohej edhe me shkronja të mëdha në muret e ndërtesës me peshë dhe çmim.

Të ardhurat mesatare ditore të organizatës shkonin nga 6,000 deri 8,000 euro, me shumën maksimale që arrinte në 10,000 euro gjatë fundjavave ose gjatë festave të fundvitit. /CNA.al





Lajmet e fundit nga