E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

Lider opozite part-time?!/ Ja show i Bashës për të zhvendosur vëmendjen nga dështimet në PD

30 Maj 2018, 12:13, Aktualitet CNA

Pasi i grumbulloi demokratët në çadër një vit më parë dhe i rraskapiti për një kohë të gjatë, bëri një pakt dhe bashkëqeverisi me atë që ishte objekt i protestave të tij, Edi Ramën.

Pasi i nxori sërish në një protestë demokratët, të cilët i kishte përgjumur për plot një vit dhe kumti i protestës apo thirrjet e betejës së saj ishin ?rrëzimi i ministrit të Brendshëm Fatmir Xhafaj?, por që rezultoi më tërheqjen e radhës që Basha u bëri militantëve, duke u prerë sërish hovin dhe duke krijuar përçarje dhe krisje të tjera të brendshme në PD, kryetari i opozitës sot ka ndërmarrë fushatën e radhës boshe.

Në fakt, në mesin e gjithë kësaj amullie, kur opozita është pa një kauzë reale, duket se Lulzim Basha ka nxjerrë nga kapelja e tij prej magjistari ?lepurin e bardhë?.

Ai është shfaqur sot në Spitalin Ushtarak në Tiranë për të vizituar një të plagosur të rastit.

Nëse kjo mund të quhet kauzë, atëherë lideri i opozitës duhet t?u shkojë për qoka të gjithë të plagosurve të tjerë që rendin nëpër spitale anembanë vendit pasi kanë rënë nga shkalla duke rregulluar një llampë të djegur, marangozëve që gërvishtin ballin duke ngulur ndonjë gozhdë në dërrasë, apo zjarrfikësve që toksikohen nga tymi gjatë ndonjë operacioni shpëtimi.

Por, Basha ka vendosur që ta bëjë këtë në mënyrë selektive vetëm për një minator të plagosur në Bulqizë, dhe jo për fatkeqët e tjerë të rastit. Pra një minator që fatmirësisht vetëm ka thyer këmbën gjatë punës dhe që nuk ndodhet në gjendje të rëndë.

Absurdja e gjithë kësaj është se Basha nuk është shfaqur kurrë në Bulqizë, kur ka pasur aksidente edhe më të rënda deri me vdekje, në miniera që zotërohen edhe nga deputetë të partisë aleate të tij, LSI, si ajo që ka ligjvënësi i qarkut të Dibrës Përparim Spahiu, ndërkohë që rendi gjithë zell me regji mediatike të parapërgatitur të përdorte për propagandë një minator që ka vetëm një frakturë dhe që pas disa javësh do të jetë sërish gati për punë.

Kjo lëvizje e Bashës, që më shumë se taktike është gropa e radhës që ai i hap vetes, është një përpjekje e dëshpëruar e tij për t?i zhvendosur problemet e brendshme që ai ka në PD, që nga kriza e besimit nga ana e senatorëve të vjetër demokratë nw lidhje me udhëheqjen e tij, e deri te baza e revoltuar dhe e fyer që po e përdor si mish për top, që nuk ia toleron më pavendosmëritë, dremitjet dhe tërheqjet, apo flirtimet e të tij tashmë publike me mazhorancën.

Herën tjetër që Basha vendos të shkojë të vizitojë një të aksidentuar lehtë rastësor, ose ta bëjë këtë me kohë te plotë dhe të kthehet për ca kohë në një mjek që viziton çdo të plagosur apo të lënduar në vend, ose të heqë dorë nga ky show selektiv që e nxjerr dhe më keq seç është katandisur.

Heren tjetër Basha të shkojë në Bulqizë te miniera e aleatit të tij Përparim Spahiu, për të parë se në cilat kushte dhe me cilat paga punojnë minatorët që rropaten për bukën e gojës që të pasurohen edhe më tej Mona me çizme dhe Like Floriri.

Ku ishte Basha për të lënduarit e Shqipërisë kudo që ndodhen, në gjithë ato vite që ka qenë ministër, apo në rezidencën e tij luksoze në Holandë?!/ CNA.al