E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Tahiri “vë” Hajdarmatajn në përgjim?/ Prokurori nuk tërhiqet

30 Maj 2018, 08:58, Aktualitet CNA

Në seacën gjyqësore të 15 majit 2018, të mbajtur në Gjykatën e Krimeve të Rënda, e cila e la ‘arrest shtëpie’ ish-ministrin e Brendshëm Saimir Tahiri, Prokurori Besim Hajdarmataj ka deklaruar se ish-ministri po dëmton provat.

Sipas Hajdarmatajt, ish-ministri e di një ditë para se kë do të marrë në pyetje Prokuroria.

Në të njëjtën seancë Prokurori tha se Tahiri e ka takuar dëshmitarin Orgest Liperi për ta intimiduar. Por, Tahiri nga ana e tij është shprehur se Liperin e ka takuar për t?i kërkuar ndjesë që u përfshi në të gjithë këtë histori.

Gjithsesi, kjo deklaratë Hajdarmatajt ngriti dyshime se ai është në përgjim.

I pyetur nga CNA.al për këtë, çështje Hajdarmataj ka thënë se nuk e shqetëson absolutisht fakti, nëse është në përgjim.

?Unë nuk frikësohem nëse jam në përgjim. Shqetësim im është se Saimir Tahiri për shkak të cilësisë që ka pasur, për shkak të faktit se është ish-ministër i brendshëm, mund të prishë provat?, ka thën Hajdarmataj.

Sipas tij, mentaliteti në Shqipëri i tillë është, se të jesh një njeri me një post të caktuar, ke edhe përfitime.

?Të jesh ministër i brendshëm katër vjet, të jesh deputet deri në ditët e fundit që po flasim, të jesh një njeri i rëndësishëm brenda mazhorancës qeverisëse do të thotë që ka një autoritet të caktuar. Pasi ka lidhje dhe ka mundësi për të ndikuar edhe tek marrja e provave. Provat ne nuk i nxjerrim nga dheu, janë qytetarë që e njohin shumë mirë me realitetin?, ka thënë Hajdarmataj.

Duke iu referuar vendimit të Gjykatës së Apelit për Krime të Rënda, dhënë së fundmi, Hajdarmataj, ka thënë se ka krijuar një impakt shumë negativ tek opinionin publik dhe jo vetëm.

?Ky vendim ka lënë një impakt shumë të keq në mënyrë absolute. Dhënia e këtij vendimi ka krijuar një impakt shumë negativ tek ata njerëz që ne do të hasim në vijim. Kush do të besojë tek ky sistem që thotë të vërtetën, kur ata shohin se Saimir Tahiri sot është i lirë? Ka dyshime që e ka kryer veprën penale, por pa ndonjë problem mund t?i ikë hetimit, se ka punuar si Ministër i Brendshëm. Kemi plot raste tek Krimet e Rënda , që ndoshta edhe me sasira të vogla, por gjithsesi vitet e fundit ka patur me sasi të mëdha droge, por që janë në arrest me burg?, është shprehur për CNA.al, prokurori Besim Hajdarmataj./CNA.al