web counter
LEXO PA REKLAMA!

SHKARKO APP

App Store
Google Play

E fundit!

x

Diskriminim/ Punësohen 36 maqedonas, vetëm 3 shqiptarë

30 Maj 2018, 08:29, Aktualitet CNA

Shoqata shtetërore Aksionare për Ndërtim dhe Menaxhim të Hapsirës Afariste në Maqedoni ka mbyllur konkursin për punësimin e 39 personave.

Sikurse raporton “Gazeta Lajm” nga 39 të pranuarit për të punësuar vetëm 3 prej tyre janë shqiptarë, ndërsa theksohet se gjatë konkursit nuk është përfillur parimi për përfaqësim adekuat.

Lidhur me këtë fakt drejtori i Shoqatës, Kristijan Trajkovski, ka thënë se ligji nuk detyron shoqatën të respektojë përfaqësimin adekuat, si një nga parimet themelore të Marrëveshjes së Ohrit.

?Edhe pse jemi në pronësi shtetërore, në këtë rast bëhet fjalë për Shoqatë Aksionare. Sipas Ligjit për funksionimin e shoqatave funksionare, neve nuk na obligon parimi për përfaqësim adekuat?,- ka thënë Trajkovski për Gazetën Lajm.

Ai kërkoi që pyetjet lidhur me detajet tjera që kanë të bëjnë me konkursin, numrin e kandidatëve që kanë konkurruar dhe numrin e atyre që janë pranuar t?i nisim edhe në e mailin zyrtar të ndërmarrjes. Mirëpo sot deri në mbylljen e orarit të punës, nuk pati asnjë përgjigje shtesë.

Më tej “Gazeta Lajm” raporton se me këtë konkurs është thelluar diskriminimi i shqiptarëve në këtë Shoqatë Aksionare, çka ka nxitur dhe nervozizëm tek shqiptarët e kësaj shoqate të cilët kanë thënë se në rast se nuk ndodh ndonjë përmirësim më i shpejtë i përfaqësimit të shqiptarëve në këtë Shoqatë Aksionare, atëherë do të gjejnë forma tjera për të shprehur revoltën. /CNA.al





Lajmet e fundit nga