web counter
LEXO PA REKLAMA!

SHKARKO APP

App Store
Google Play

E fundit!

x

KPK rindez motorët e Vettingut/ Fshesa e spastrimeve zbret në Gjykatën e Lartë dhe Prokurorinë e Përgjithshme

30 Maj 2018, 08:39, Aktualitet CNA

Komisioni i Pavarur i Kualifikimit është rikthyer me vrull tek seancat dëgjimore me prokurorët dhe gjykatësit e shortuar në kuadër të procesit të Vettingut. Seanca e fundit dëgjimore është zhvilluar rreth tri javë më parë, ku para trupës gjykuese doli gjyqtarja e Gjykatës së Rrethit Gjyqësor Tiranë, Manjola Xhaxho.

Pas kësaj shkëputjeje të gjatë, KPK ka ndezur motorët e vetingut. Në faqen zyrtare në internet, komisioni i vetingut ka bërë brenda këtyre dy ditëve të njohur për publikun datat se kur do të zhvillohen seancat e radhës dëgjimore.

Por ajo që vlen të theksohet është se Komisioni i Pavarur i Kualifikimit, pas pauzës, është rikthyer fuqishëm në punë sepse ka rritur numrin e seancave dëgjimore që mund të zhvillohen brenda pesë ditëve.-raporton gazeta Sot.

Në ndryshim nga më parë kur para trupës gjykuese dilnin një ose maksimumi dy gjyqtarë a prokurorë në javë, tashmë gjatë pesë ditëve do të kalojnë në sitën e vetingut tri ?aktorë? drejtësie. ?Seanca e parë dëgjimore pas kësaj shkëputjeje do të zhvillohet në datën 1 qershor në orën 10:00, ku para trupës gjykuese do të duhet të japë llogari gjyqtarja e Gjykatës së Rrethit gjyqësor Kurbin, Marçela Shehu. Subjekti: Marçela Shehu, gjyqtare në Gjykatën e Rrethit Gjyqësor Kurbin; Vendi: Pallati i Koncerteve (Ish-Pallati i Kongreseve), Kati i 2-të; Trupa Gjykuese: Brunilda Bekteshi, Lulzim Hamitaj, Olsi Komici?, thuhet në njoftim.

Ndërsa dy seancat e tjera të planifikuara do të nxjerrin para trupës gjykuese anëtarë të Gjykatës së Lartë dhe Prokurorisë së Përgjithshme. Deri më tani kanë dhënë ?llogari? anëtarët e Gjykatës Kushtetuese, Gjykatës së Apelit dhe Prokurorisë së Apelit. Ndërsa tashmë fshesa e spastrimeve do të zbresë në Prokurorinë e Përgjithshme dhe Gjykatën e Lartë.





Lajmet e fundit nga