web counter
LEXO PA REKLAMA!

SHKARKO APP

App Store
Google Play

Hipotekimi i objekteve pa leje/ Lame presion ndërtuesve

30 Maj 2018, 09:25, Aktualitet CNA

Kryetari i ALUIZNI-t Artan Lame në një deklaratë për mediat ka folur lidhur me hipotekimin e objekteve pa leje dhe të brktisura në të gjithë vendin.

Lame ka thënë se ky problem është i lindur dhe vijon ende, por qeveria është duke e trajtuar si problem, pasi më shumë se gjysma e lejeve të ndërtimit janë me probleme në të gjithë vendin.

“Qytetarët u dyndën pranë sporteleve për të denoncuar apo hapur praktikën e futjes në proces legalizimi të pallateve, që zvarriteshin prej vitesh. Problemi i pallateve të braktisura i ka rrënjët çerek shekulli më parë dhe vazhdon të rëndohet. Për herë të parë një qeveri shqiptare ka filluar ta trajnojë. Ky proces është një prej problematikave më të komplikuara që mund të ndeshë një administratë, pasi ka të bëjë me një mori institucionesh që duhet të japin kontribut, me banorët që duhet të bëhen bashkë, me sistemin e përmbarimin, me sistemin bankar”.

Më tej ai ka thënë se ALUIZNI do t’i përcjellë bashkive listat që këto persona të mos u jepen më leje pa shlyer më parë detyrimet, duke nisur nga Bashkia e Tiranës, ndërsa i ka bërë thirrje qytetarëve që t’i bëjnë presion ndërtuesve dhe mos blenë shtëpi nëse nuk kanë mbaruar punën konform ligjit.

Lame ka ftuar qytetarët që të bëjnë denoncime për rastet përkatëse pranë institucionit të ALUIZNI-t. / CNA.al





Lajmet e fundit nga