Mesazhi publik/ Deputeti i Bashës i quan demokratët horra

30 Maj 2018, 09:12, Aktualitet CNA

Në vitin 2016, Partia Demokratike në atë kohë me grupin e saj parlamentar bëri një rezistencë për votimin e Reformës në Drejtësi. Jo sepse ishte kundër Vettingut, por sepse kërkonte që themelet e reformës të mos viheshin në dyshim dhe drejtësia të mos kapej nga socialistët.

Në atë kohë, një nga deputetët e Lulzim Bashës, ishte nga mbështetësit kryesorë të Edi Ramës, dhe mbronte me flakë Reformën. PD ishte në negociatat e fundit, dhe pas katër ditësh e votoi atë.

Por çfarë ndodhi katër ditë më parë?

?Romeoja? i listës së ?Zhuljetës?, pra Romeo Gurakuqi i listës Basha, çirrej dhe kërkonte referendum për Reformën në Drejtësi, sepse sipas tij ?Horrat nuk mund të vonojnë drejtësinë që duan shqiptarët.?

Në atë kohë ?horrat? ishin grupi parlamentar i PD-së, ?horri? ishte kryetari i PD, pra ?Zhuljeta? e Romeos, ?horra? ishin demokratët që kërkonin një reformë, të vërtetë në drejtësi dhe jo kapjen e sistemit nga kryeministri Rama.

Dy vite më parë, quante ?Horr? Sali Berishën, Flamur Nokën, Edmond Spahon, Edi Palokën, Jorida Tabakun, Albana Vokshin, dhe shumë deputetë të tjerë, që kanë qënë pjesë e grupit parlamentar në atë kohë, pa folur për ata që kanë ikur e shumë të tjerë, të cilët nëse në atë kohë kanë qënë ?horra?, sot Gurakuqi i bie të jetë palaçoja i radhës dhe sharlatani më i turpshëm në grupin e ?Zhuljetës? në krye të PD-së.

Në zgjedhjet e vitit të shkuar, Romeo kryesonte listën e qarkut të Shkodrës. Kur demokratët bërtisnin për fitoren e PD-së, ai kundërshtonte dhe kërkonte fitoren e listës Basha. Nuk mund të pranonte fitore të demokratëve, pasi ishte Romeo që i përkiste listës së ?Zhuljetës? në krye të PD-së.

Dje, jo shumë larg, shpërthenin e shanin demokratët, ata që sot i kanë kolegë në grupin parlamentar. I quanin ?horra?. E si mund të quhet ndryshe ?Romeoja? i listës së ?Zhuljetës?. Një klloun politik që në atë kohë paguhej nga Henri Çili i UET, dhe ata që ishin pjesë e një ?bande? së bashku me Alfred Lelën dhe shumë të tjerë mbështeten reformën e shkatërrimit në arsim, mbështesnin hapur Edi Ramën, sulmonin publikisht PD dhe demokratët dhe më pas, pas marrëveshjes Rama-Basha, janë përfaqësues të demokratëve në parlament.

Lista e ?Zhuljetës? (Lulit) që solli në parlament Romeon është në fakt lista që solli në parlament horrat e vërtetë, që ka kthyer për shkak të disa prurjeve të reja, në qesharak grupin e PD-së dhe që dështuan nga 25 qershori deri më sot në çdo aksion politik dhe po e groposin edhe më tej forcën më të madhe të opozitës./ CNA.al