web counter
LEXO PA REKLAMA!

SHKARKO APP

App Store
Google Play

Anëtarësimi në organizata ndërkombëtare/ Serbia luftë të hapur Kosovës

30 Maj 2018, 10:24, Aktualitet CNA

Serbia po pretendon se tri shtete, duke përfshirë së fundmi edhe Ganën, e kanë tërhequr njohjen e pavarësisë së Kosovës. Nëse pretendimet e Serbisë dalin të vërteta, atëherë brenda një viti Kosova ka humbur më shumë njohje sesa ka fituar, shkruan “Zëri”.

Elmi Reçica, anëtar i Komisionit Parlamentar për Punë të Jashtme (PDK), ka thënë se Serbia është duke bërë përpjekje të vazhdueshme për ta penguar Kosovën drejt rrugëtimit të saj sa u përket njohjeve dhe anëtarësimit në organizata ndërkombëtare.

?Është duke u zhvilluar një luftë speciale nga Serbia që aktivisht thotë se ky shtet ose ai shtet do ta tërheqë njohjen, ose s?do ta njohë Kosovën. Mirëpo ne kemi konfirmim nga MPJ-ja që këto janë më tepër angazhime sesa përfundime reale për ta tërhequr njohjen ndaj një shtet?, ka deklaruar ai.

Sipas Reçicës, deklaratat e tilla për tërheqje të njohjeve ndikojnë tejet negativisht në drejtim të Kosovës, andaj institucionet e Kosovës duhet t?i forcojnë raportet me shtetet që e kanë njohur shtetin e Kosovës dhe njëkohësisht të angazhohen për njohje të reja.

Edhe faktin që Kosova nuk ka marrë njohje të reja qe një kohë të gjatë Reçica ka fajësuar sërish Serbinë.

?Problemi qëndron pikërisht te ajo se po bëhet një fushatë dhe një angazhim permanent i Serbisë dhe i aleatëve të saj që të mos ketë njohje të reja?, ka potencuar ai.





Lajmet e fundit nga