web counter
LEXO PA REKLAMA!

SHKARKO APP

App Store
Google Play

E fundit!

x

Kujdes nga ilaçet “magjike” për dobësim, dietologia: Më kanë vdekur 2 paciente

29 Maj 2018, 09:08, Lifestyle CNA

Të gjithë duan të kenë trupin e përsosur dhe të humbasin në peshë sa më parë. Mënyrat e dobësimit janë nga më të shumtat e sidomos në ditët e sotme.

Të shumta janë faqet në internet, por edhe në Instagram, të cilat premtojnë për çajra, vajra apo spray “çudibërës”, që mund t?ju bëjnë të bini nga pesha sa hap e mbyll sytë.

Por sa dakord janë dietologët dhe sa të rrezikshëm apo të suksesshëm janë këto çajra?

Dietologia Anila Kalleshi ka thënë gjatë një interviste për Klan Plus, se si pasojë e përdorimit të tyre, ka pasur raste edhe fatale.

Ajo ka treguar për 2-3 femra, të cilat nuk i kanë shpëtuar dot vdekjes.

Anila shprehet:

Mund të themi që ndoshta, tek disa persona edhe mund të funksionojë për një periudhë të caktuar, sepse ai psikologjikisht pregatitet që po merr një produkt dhe ndërpret edhe mënyrën e të ushqyerit, duke stimuluar edhe me ndonjë aktivitet fizik, por në përgjithësi këto raste janë të dështuara.
Produkte të pacertifikuara, të panjohura në treg, të pambrojtura, konsumatorit mund t?i shkaktojnë probleme në organizëm. Personalisht kam pasur raste, 2-3 femra, të cilat kanë arritur deri në momentin final, në vdekje nga këto produkte. Më mirë me 2-3 kilogramë më tepër, sesa me një trup me 10 kilogramë më pak, por me një shëndet që lë për të dëshiruar.





Lajmet e fundit nga