web counter
LEXO PA REKLAMA!

SHKARKO APP

App Store
Google Play

Si të shpëtoni nga irritimi i tmerrshëm pas rruajtjes!

29 Maj 2018, 13:10, Lifestyle CNA

Statistikat tregojnë se përgjithësisht 75% e burrave e rruajnë fytyrën çdo ditë ndërkohë që 58% e grave e shohin rruajtjen si mënyra më e shpejtë dhe efektive e depilimit.

Kjo do të thotë se miliona njerëz duhet të përballen me irritimin, gjakosjen apo edhe prerjen. Ne do t?ju tregojmë më poshtë si t?ja bëni që ta qetësoni lëkurën.

Ndër shekuj, mjalti është përdorur si një kurë për të shëruar plagë apo probleme të lëkurës. Kështu lyejeni zonën problematike me pak mjaltë dhe lëreni për 10- 15 minuta. Shpërlajeni më pas me ujë të ngrohtë.

Vajrat esencialë njihen për efektet e tyre çudibërëse. Vaji i ullirit shërben për të riparuar dhe ushqyer lëkurën, vaji i kamforit për efektet kundërbakteriale e ndërsa vaji me vitaminë E për praninë e lartë të antioksidantëve. Kështu zgjidhni vajin që dëshironi dhe mjekoni me të 2 herë në ditë zonën e irrituar duke përdorur rrathë pambuku.

Kompresat janë një shpëtim i vërtetë. Ju qetësojnë dhe nga ana tjetër frenojnë shpërndarjen e irritimit. Gjithashtu zbehin skuqjen e lëkurës. Mund të përdorni qese specifike kompresash ose peshqirë të njomë.

Vazelina është një tjetër sugjerim i yni. Lyejeni lëkurën dhe lëreni për 10- 15 minuta. Më pas hiqeni me një peshqir të butë.

Thërrmoni 2- 3 tableta aspirinë në ujë derisa të krijoni një tip paste. Lëreni mbi lëkurë rreth 20 minuta dhe lajeni më pas me ujë të ngrohtë.

Dhe në fund, kastraveci. Masazhojeni lëkurën me një kastravec të freskët, të sapoprerë dhe lëreni lëngun të veprojë për 15 minuta. Për të larguar ndjesinë e djegies mund të përdorni edhe një kastravec nga frigoriferi.





Lajmet e fundit nga