web counter
LEXO PA REKLAMA!

SHKARKO APP

App Store
Google Play

E fundit!

x

A kanë BE-ja, SHBA-ja dhe Britania një plan për Kosovën?

19 Maj 2018, 17:37, Aktualitet CNA

Ndonëse mediet serbe raportuan se BE-ja, SHBA-ja dhe Britania e Madhe ia kanë dorëzuar presidentit serb Aleksandër Vuçiç një plan për zgjidhjen e çështjes së Kosovës, një gjë të tillë e kanë mohuar aktorët e përmendur ndërkombëtarë.
Nga Ambasada e Britanisë së Madhe në Prishtinë i kanë thënë gazetës kosovare ?Zëri? se nuk ka asnjë lloj plani të tillë, i cili u është dorëzuar palëve. Përkundrazi, në përgjigjen e kësaj ambasade thuhet se të dyja vendet, Kosova dhe Serbia, duhet të dalin vetë me propozime konkrete rreth fazës finale të këtij procesi.

Në anën tjetër Maja Kocijançiç, zëdhënëse e Bashkimit Evropian, ka thënë për ?Zërin? se  është tejet e rëndësishme që Kosova e Serbia ta vazhdojnë punën e tyre drejt përfundimit të dialogut pasi, sipas saj, përparimi në këtë proces është i lidhur drejtpërdrejt me të ardhmen e tyre evropiane.

Ajo më tej ka pohuar se të dy protagonistët e këtij procesi, Hashim Thaçi dhe Aleksandër Vuçiç (në takimin e fundit që kanë pasur me ndërmjetësuesen e dialogut Frederika Mogerinin) kanë konfirmuar se do të punojnë intensivisht për ta arritur një normalizim gjithëpërfshirës të marrëdhënieve mes tyre.

Duke folur për rolin e SHBA-së në këtë proces, Kocijançiç ka thënë se BE-ja në vazhdimësi ka bashkëpunuar me Shtetet e Bashkuara sa i përket dialogut dhe çështjeve të tjera që ndërlidhen me Ballkanin Perëndimor.

?Për çështjet që kanë të bëjnë me Ballkanin Perëndimor, duke përfshirë dialogun e lehtësuar nga BE-ja, BE-ja ka qenë gjithmonë duke bashkëpunuar ngushtë me shtetet anëtare të BE-së dhe të SHBA-së?, ka nënvizuar ajo.





Lajmet e fundit nga