Basha nxjerr videon/ Kjo është e vërteta për klanin mafioz “Xhafaj-Rama”

19 Maj 2018, 13:13, Aktualitet CNA

Partia Demokratike ka publikuar sot deklaratën e gazetarit Jetmir Olldashi, i cili intervistoi Albert Veliun, i ashtuquajturi ?Dëshmitari X? në audio-përgjimin ndaj Agron Xhafajt.

Ashtu si me rastin e dëshmitarit X, kryedemokrati Lulzim Basha e la të përsëritet fjalën e tij dy herë në monitorin e ngritur enkas në sallën e konferencave për shtyp.

Pas kësaj dëshmie, Basha tha se nuk ka më dyshime që Agron Xhafaj është bos i drogës në Vlorë, ndërsa shtoi se kryeministri Edi Rama u bë pjesë e komplotit për largimin e tij nga Shqipëria me qëllim që prokuroria ta kapte.

Sipas kryeopozitarit Basha ?Kjo është e vërteta tronditëse për klanin mafioz Xhafaj, jo gënjeshtrat e Fatmir Xhafës as mashtrimet kriminale të Ramës. Ai gënjeu edhe dje paciptësisht se ekspertizën ia bëri në Surrel dhe i ka dalë false. Kur gazetarët ia kërkuan se në cilën agjenci ia ka bërë analizën, ai heshti. Ai është pjesë e këtij komploti për të mbuluar këtë histori. Agron Xhafaj është bosi i drogës në Vlorë, ndaj ai u përcoll në fshehtësi të plotë dhe me urgjencë që prokuroria të thotë ne nuk e kapim dot?, tha Basha.

Kreu i opozitës, Lulzim Basha i ftoi qytetarët shqiptare, të majtë dhe të djathtë që t?i bashkohen protestës së të shtunës, me datë 26 maj në orën 11:00.

?Dua të shpreh mirënjohje për gazetarë kurajoz, si Jetimir Olldashi, apo Ambrozia Meta, apo çdo gazetar tjetër, që ka vendosur përkundër presioneve, shpalosin të vërtetën tronditëse. Në 26 maj, të shtunën në orën 11:00 ju ftojmë ju të gjithëve, demokratë e socialistë, të bashkoheni në protestën kombëtarë për të çliruar Shqipërinë nga krimi dhe tirania, e bërë njih me krimin. Për të ç?bllokuar rrugën evropiane të Shqipërisë që ka vetëm një pengesë; kapjen e krimit. Ju fton të gjithëve të shtunë që të bashkohemi në protestën kombëtare për t?i dhënë mesazhin Europës se Shqipëria do të bëjë gjithçka që vendi t?i hapet rrugë përmes çlirimit nga kjo qeveri. Që nga qytetari më i thjesht, deri tek politikani më i pushtetshëm; të barabartë para ligjit. Pa zgjidhur këtë Shqipëria nuk ka shpresë t?i hapet rrugë Europës. Ndaj më lejoni tua përsëris edhe njëherë duke cituar siç citoi dje një mik amerikan fjalët e një personalitet amerikan, Robert Kennedy; e ardhmja nuk dhurohet, ajo nuk dhurohet. E nesërmja varet nga veprimi apo mos veprimi ynë. Ju ftoj të shtunën në protestën kombëtare?, tha Basha.