web counter
LEXO PA REKLAMA!

SHKARKO APP

App Store
Google Play

Video-Rrëfehet gazetari që zbuloi skandalin “Xhafaj”/ Tregon presionet nga politika

19 Maj 2018, 12:41, Aktualitet CNA

Partia Demokratike vijon akuzat në drejtim të ministrit të Brendshëm, Fatmir Xhafaj.

Në një daljë për mediat, sot PD ka bërë publike dëshminë e gazetarit Jetmir Olldashi, i cili është personi që ka investiguar dhe zbuluar aktivitetin kriminal të Agron Xhafajt.

Gazetari Olldashi ka treguar se si ka rënë në gjurmët e Albert Veliut dhe si u arrit tek Agron Xhafaj.

Gjithashtu ai tha se është shprehur se ka pasur dhe ka presione të shumta politike dhe kriminale.

Gazetari Jetmir Olldashi është personi që ka bërë përgjimin e Agron Xhafajt dhe intervistën me ?Dëshmitarin X?, Albert Veliu.

Olldashi ka treguar detaje në lidhje me audio-përgjimin e bërë dhe më pas lëvizjet që kishte bërë së bashku me Veliun.

Siç dëshmon Olldashi, pas takimit me Agron Xhafajn, bashkë me Albert Veliun kanë shkuar të lokali i Habilajve ku është diskutuar për drogën që do merrej.

Ndër të tjera, ai është shprehur se ?Nga zbardhja e bisedës së përgjuar që është bërë tashmë edhe publike, Albert Veliu i kishte kërkuar Agron Xhafajt ndihmë për të siguruar dhe trafikuar një sasi kanabisi në drejtim të Italisë dhe Agron Xhafaj e kishte dërguar tek një person për të mbaruar punë.

Më pas shkuam në një lokal i cili sipas Albertit njihej si lokali poshte Habilajve.

Aty erdhi një person, me të cilin u zhvillua një bisedë për të siguruar sasinë e drogës dhe më pas udhëtuam drejt Tragjasit për ta siguruar sasinë e kanabisit.

Nga i gjithë investigimi kam vënë re se pavarësisht raporteve në media se jane goditur grupe kriminale, gjendja në Vlorë ishte jashtë kontrollit dhe të kërkoje kanabis ishte si të kërkoje një produkt normal.

Më pas jemi kthyer në Tiranë.?





Lajmet e fundit nga