web counter
LEXO PA REKLAMA!

SHKARKO APP

App Store
Google Play

Agresioni i Ramës ndaj medias “tërbon” PD/ “Të bashkohemi në protestë”

19 Maj 2018, 08:54, Aktualitet CNA

Pas përballjes së kryeministrit Edi Rama me gazetaren ditën e djeshme, ka reaguar deputetja e Partisë Demokratike, Albana Vokshi.

Në një deklaratë për mediat, Vokashi, ndërsa ka vlerësuar gazetaren guximtare, ndërsa ka akuzuar Ramën se agresioni i djeshëm i tij ishte për të shmangur skandalin ndaj Xhafajt.

?Agresioni i djeshëm ndaj medias ishte nevoja jetike e Edi Ramës për të mbuluar skandalin ?Xhafaj? dhe, nëpërmjet shantazhit e kërcënimit, të fshehë të vërtetën e dy vëllezërve: njëri, Agron Xhafaj, bos i drogës dhe i krimit të organizuar në Vlorë, tjetri, Fatmir Xhafaj, Ministër i Brendshëm, që ka vënë Policinë e Shtetit në shërbim të të vëllait trafikant?.

Vokashi ka bërë me dije se PD dënon sulmet e Ramës ndaj gazetarëve dhe i ka bërë thirrje opinionit publik të bashkohen në protestën e 26 majit, për të rrëzuar qeverinë.

?Sot, ju ndoshta prisni fjalinë e zakonshme se Partia Demokratike dënon shantazhet dhe kërcënimet e kryeministrit nga gazetarëve dhe medias!

Por sot kjo është e tepërt! Nuk kanë kaluar 24 orë nga qëndrimi dinjitoz i Ambrozias përballë shantazhit të kryeministrit dhe video është bërë virale!

Janë me mijëra e mijëra shqiptarët që e kanë shpërndarë videon në rrjetet sociale, duke përgëzuar gazetaren e re kurajoze. Ky është dënimi më i madh për Edi Ramën!

Shumica e shqiptarëve të ndershëm nuk duan të qeverisen nga pakica e krimit, që është kthyër në pengesën kryesore për Shqipërinë Europiane!

Tani, na duhet që secili prej nesh ta tregojë çdo ditë të njëjtën këmbëngulje dhe kurajo si Ambrozia! Vetëm kështu do t?ia dalim të kemi nje qeveri që punon për shqiptarët dhe jo për krimin!

Të bashkohemi në protestë të shtunën, më 26 Maj, sepse tani është koha të mos e lëmë fatin e Shqipërisë Europiane në duart e qeverisë më antieuropiane?.  /CNA.al





Lajmet e fundit nga