Borxh për shtëpi luksoze/ Gjyqtari Desart Avdulaj manipulon me pasurinë?

19 Maj 2018, 10:25, Aktualitet CNA

Njerëzit e sistemit të drejtësisë konsiderohen si kategoria më e pasur, madje disa gjyqtarë dhe prokurorë ua kalojnë për pasuri edhe politikanëve.

Gjyqtarët dhe prokurorët e rretheve gjithnjë janë lakuar si pak më të pasur se kolegët tyre në Tiranë. Në fakt jo në të gjitha rastet qëndron ky vlerësim.

Se ka gjyqtarë dhe prokurorë që nuk e konceptojnë jetën dhe punën e tyre, pa një pasuri në kryeqytet.

Edhe gjyqtarë, edhe pa shtëpi në Tiranë, kjo nuk shkon. Jo vetëm të kesh një shtëpi, por ajo të jetë e madhe dhe luksoze. Ndryshe nuk ka se si të plotësohet figura e gjyqtarit.

Një nga këta gjyqtar që s?bën dot pa një shtëpi në Tiranë, është gjyqtari i Gjykatës së Apelit të Durrësit, Desart Avdulaj.

Sipas formularit të deklarimit të pasurisë që CNA.al, të marrë pranë ILDKPKI ?së, në vitin 2016 gjyqtari Avdulaj ka blerë një apartament në Tiranë me sipërfaqe 169.8 metër katror, që ka kushtuar plot 101.880 euro.

Për ta bërë sa më të besueshëm se këtë apartament e ka blerë në mnëyrë të ligjshme, që do të thotë me para të fituara nga puna e tij dhe bashkëshortes, Avdulaj ka përdorur skemën e huave.

Për një vit e deklaron se ka marrë katër herë hua për të blerë apartamentin në Tiranë.

Nëse shikojmë datat, shumat që ka marrë dhe afatin që ka lënë për t?i shlyer, ngrihen shumë pikëpyetje.

Ai ka marrë hua e marrë në shumën 20 000 euro, me datë 21.04.2015, me afat 10 vjeçar, personit J.A, hua në shumën 20 000 euro me datë 2.07.2015 nga personi A.K, me afat 10 vjeçar, hua e marrë në shumën 10 000 euro me datën 08.09.2015 nga K.A, me afat 10 vjeçar si dhe hua e marrë në shumën 15 000 pound me datën 26.20.2015, personit GJ.A, me afat 10 vjeçar.

Nuk dihet se si do t?i paguajë gjyqtari Avdulaj këto para, ndërsa deklaron vetëm pagën e tij dhe të bashkëshortes, si burim i të ardhurave.

Ekziston dhe një tjetër fenomen me gjyqtarët e Apelit të Durrësit. Një pjesë e gjyqtarëve të kësaj gjykate preferojnë që t?i ruajnë paratë në shtëpi.

Sasia e saktë nuk dihet, ashtu siç ndodhi me ish-gjyqtarin Shkëlqim Miri, por referuar asaj që kanë deklaruar shifrat prekin milionat.

Pasuria e gjyqtari Desart Avdulaj deklaruar më 30.03.2007

Përfundimi i kontratës së shtijes për blerje apartamenti në Tiranë me sipërfaqe 169.8 metër katror, në shumën 101 880 euro.

Shitje autovetura gjahu ?Mitsubishi?, prodhim anglez viti 1999 në shumën 200 000 lekë.

Shtuar kursimet e ruajtura në shtëpi 1 200 000 lekë

Shpenzime që lidhen ma kalimin e pronësisë së shtëpisë në shumën 200 000 lekë.

Të ardhura nga paga si gjyqtar në shumën 1 234 736 lekë.

Gjendja në llogarinë e pagës në shumën 42 321 lekë.

Hua e marrë në shumën 20 000 euro për blerje apartamenti në datën 21.04.2015, me afat 10 vjeçar, personit J.A

Hua e marrë në shumën 20 000 euro për blerje apartamenti në datën 2.07.2015 nga personi A.K, me afat 10 vjeçar.