web counter
LEXO PA REKLAMA!

SHKARKO APP

App Store
Google Play

Shqipëria kundër SHBA?/ Ish-deputeti i PS akuza të forta Ramës dhe Bushatit

19 Maj 2018, 17:08, Aktualitet CNA

Ish-deputeti i PS dhe më pas deputet i PD, Kastriot Islami ka folur pasditen e sotme për votën e Shqipërisë kundër SHBA në OKB dhe mundësinë e çeljes së negociatave.

I ftuar në emisionin ?Kjo Javë? të gazetares Nisida Tufa në News 24, Islami u shpreh se si kryeministri Edi Rama ashtu edhe ministri i Jashtëm, Ditmir Bushati, sillen me arrogancë dhe fshihen si struci për këto takime duke mos dhënë asnjë informacion.

Po ashtu Islami foli edhe për pjesëmarrjen e Shqipërisë në Organizatën e Bashkimit Islamik të thirrur nga presidenti turk Rexhep Tajip Erdogan.

?Shqipëria është anëtare e organizatës së Bashkimit Islamik dhe është e detyruar të marrë pjesë për të ndarë mendimet e saj. Por problemi është se nuk ka asnjë informacion se çfarë ndodhi në takimin dje. Kjo konferencë u thirr nga Erdogan pas hapjes së ambasadës amerikane në Jeruzalem ku u shoqërua me tensione të shumta. Nga ana e Shqipërisë nuk ka asnjë informacion. Thuhet vetëm se Shqipëria ka marrë pjesë në nivel ambasadorësh, dhe qeveria e ministria e jashtme e kanë fshehur si struci këtë qëndrim. Nuk iu dha rëndësia e duhur këtij takimi. Kjo pason një tjetër vendim të Shqipërisë në OKB kundër nismës së SHBA për hapjen e ambasadës në Jeruzalem. Atje Shqipëria ka votuar kundër dhe ka pasur një zhurmë të madhe. Edhe për atë Rama dhe ministri i Jashtëm janë përgjigjur pasi është bërë zhurmë në Shqipëri. Herë sillen si arrogantë e herë si struci.

Shqipëria në përgjithësi ka votuar pro nismave të Shteteve të Bashkuara, vetëm kur ka pasur një qëndrim unik. Është hera e parë që votohet kundër nismës së Trump. Minimalisht është gafë, se këto qëndrime mbahen në arshiva.,? tha Islami.





Lajmet e fundit nga