web counter
LEXO PA REKLAMA!

SHKARKO APP

App Store
Google Play

Këshilltarët duhet të këshillojnë kryeministrin Rama që të mos dalë bllof si këtë herë

7 Maj 2018, 17:15, Aktualitet CNA

Kryeministri Edi Rama ka vijuar me turin e bisedimeve me qytetarët, në kuadër të fushatës së llogaridhënies, ku këtë herë u ndal në qytetin e Lezhës.

Në bisedimet me qytetarët, kryeministri Rama u kryqëzua nga ata për rritjen e taksave dhe “shëndetësinë falas”, për çka ai pranoi dështimin e tij dhe qeverisë së tij.

Rama tha se, “Shëndetësia nuk është falas kjo është shumë e vërtetë”, ndërsa sa i përket energjisë elektrike, ai e cilësoi pagesën e saj si një detyrim e jo taksë.

“Pagesa e energjisë elektrike është detyrim e jo taksë”, – tha ndër të tjera Rama.

Por Kryeministri gënjeu publikisht, pasi pagesa e energjisë elektrike është edhe detyrim edhe taksë.

Po të shohësh në fund të faturës së energjisë elektrike, do të vësh re, se krahas çmimit të asaj që klienti shpenzon, ka edhe një TVSH 20%, pra që i shtohet totalit që duhet paguar. Krahas rritjes së çmimit, qytetarëve u është rritur edhe shuma që duhet paguar nga TVSH.

Ndaj, Këshilltarët e kryeministrit duhet ta këshillojnë mirë herë tjetër atë, që të mos dalë bllof apo të gënjejë qytetarin e thjeshtë sy për sy. /CNA.al

Ja një faturë energjie: 

 

 





Lajmet e fundit nga