E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Debatet në Komision me ministren e Kulturës/ Vokshi: Po mbytet trashëgimia kulturore nga paratë e drogës

7 Maj 2018, 15:42, Aktualitet CNA

Deputetja e Partisë Demokratike, Albana Vokshi, ishte e ftuar në rubrikën “Opinion” në telvizionin News24, ku ka sqaruar debatin e ndodhur paraditen e sotme në Komisionin e Medias, gjatë seancës dëgjimore me ministren e Kulturës, Mirela Kumbaro, rreth prishjes së godinës së Teatrit Kombëtar.

Gjatë këtij komisioni, deputetët opozitar i kërkuan ministres llogari për Teatrin, por debati u shoqërua me tensione dhe fyerje, teksa deputeti socialist Fidel Ylli akuzon deputeten Albana Vokshi se ?e ka quajtur ministren të çmendur?.

Sipas Vokshit, artistët dërguar ftesa për të gjithë deputetët, por socialistët nuk pranuan të shkojnë, ndërsa shtoi se po tentohet të mbytet trashëgimia kulturore nga paratë e drogës.

?Artistët dërguan ftesa për të gjithë deputetët. Ne i bëmë thirrje anëtarëve të komisionit që të bashkoheshin me ne dhe të takonim artistët. Ne duam të përsërisim vendimin e grupit parlamentar të PD dhe qëndrimit të këshilltarëve demokratë në Këshillin Bashkiak, sa i takon vendimit për tjetërsimin e proces që i përket artistëve. Ne vazhdojmë ta ndjekim nga afër çështjen e Teatrit, edhe pse ka një mungesë transparence nga qeveria. E vetmja lëvizje e dukshme ishte vendimi në Këshillin Bashkiak, dhe sa i takon pjesës tjetër ka mungesë transparence. Kjo të bën të mendosh se është një tjetër aferë korruptive. Po shkatërrohet trashëgimia e Teatrit Kombëtar. Rama ka tentuar të erë duart tek Teatri që në vitin 1998 , kur ishte te Ministria e Kulturës. Pjesa më e madhe janë të vendosur për t?i shkuar deri në fund kësaj çështje. Por si kudo, edhe mes tyre ka devijanca. Ajo që dua të shtoj se qeveria nuk i ka dëgjuar asnjëherë. Njëherë thotë ka një koncept-ide për teatrin Kombëtar, njëherë thonë projekt. Mendoni si po tentohet të mbytet trashëgimia shqiptare, kultura shqiptare nga paratë e drogës?, u shpreh deputetja demokrate Albana Vokshi. /CNA.al