web counter
LEXO PA REKLAMA!

SHKARKO APP

E fundit!

x

Ankesa te Xhafaj/ MASR ndëshkon dy drejtuesit e shkollës

7 Maj 2018, 13:17, Aktualitet CNA

Ministria e Arsimit, Sportit dhe Rinisë ka nisur sot procedimin disiplinor me motivacionin ?Mospërmbushja e detyrave, mosmarrja e masave për situatën e krijuar nga mungesa e energjisë elektrike për një periudhë të gjatë në shkollën Orosh, që ka cënuar mbarëvajtjen e procesit mësimor?, ndaj Drejtorit të Drejtorisë Arsimore të Lezhës dhe Drejtorit të Zyrës Arsimore të Mirditës.

Masat janë marrë pas ngritjes së shqetësimit publik në lidhje me mungesën e energjisë elektrike në shkollën Orosh të Mirditës. Ministria e Arsimit, Sportit dhe Rinisë ka bërë verifikimet në terren duke konstatuar të drejtë problematikën e ngritur.

Ndërkohë në komunikim zyrtar me OSHEE, MASR garanton se shumë shpejt situata në shkollën e Oroshit do të marrë zgjidhje.

Shqetësimi u ngrit gjatë një takimi të ministrit të Brendshëm, Fatmir Xhafaj, pak ditë më parë në një bashkëbisedim me qytetarët ku në fokus ishte siguria.





Lajmet e fundit nga