web counter
LEXO PA REKLAMA!

SHKARKO APP

E fundit!

x

KLD rrëzon ministren Gjonaj/ Zbardhet vendimi për tre gjyqtarët

7 Maj 2018, 12:52, Aktualitet CNA

Këshilli i Lartë i Drejtësisë është mbledhur ditën e sotme, ku në rend dite kishte kërkesen e Ministrisë së Drejtësisë për shkarkimin e katër gjyqtarëve.

Në mbledhjen e sotme, KLD ka hedhur poshtë kërkesën e ministres së Drejtësisë për shkarkimin e gjyqtarëve Petraq Curri, Ergys Selmani dhe Ken Dhima.

Petraq Curri është gjyqtari i Durrësit që sipas ministrisë së drejtësisë shkeli ligjin duke liruar nga qelia Alket Hatinë të konsideruar baroni i drogës. Por këtë akuzë vetë Hatia e ka mohuar duke sqaruar se ai nuk dorëzohet pasi e akuzojnë padrejtësisht për një dënim që ai e ka shlyer më parë.

Për gjyqtarin e Fierit, Ergys Selmani u kërkua shkarkimi, pasi sipas MD ishte gjyqtari që vonoi zbardhjen e urdhrit të mbrojtjes të shtetases Liljana Ruka që u vra më pas nga bashkëshorti i saj.

Shkarkim u kërkua edhe për gjyqtarin administrativ të Vlorës, Ken Dhima. Por KLD ka hedhur poshtë kërkesën e ministrisë së Drejtësisë, duke lënë në detyre tre gjyqtarët e sipërpërmendur.

Gjithashtu, KLD ka pranuar dorëheqjen e gjyqtares së Durrësit Merita Xhani, kërkesë të cilën e ka paraqitur prej datës 8 shkurt 2018 dhe gjyqtares së Tiranës, Brunilda Kasmi.





Lajmet e fundit nga