web counter
LEXO PA REKLAMA!

SHKARKO APP

App Store
Google Play

Samiti i Sofjes/ Sllovakia bën propozimin e çuditshëm

3 Maj 2018, 18:57, Aktualitet CNA

Sllovakia mbështet organizimin e Samitit të Sofjes dhe për të shmangur pakënaqësitë ka propozuar një format të çuditshëm për vëndet pjeëmarrëse në këtë aktivitet tepër të rendësishëm, veçanërisht për vendet e Ballkanit perëndimor. Sipas propozimit sllovak vëndet pjesëmarrëse në Samit nuk duhet të kenë flamuj dhe simbole shtetërore.

Kjo është deklaruar, siç shkruajnë mediat serbe: nga sekretari i Shtetit i Ministrisë së Punëve të Jashtme dhe Evropiane të Republikës Sllovake, Ivan Korçok.

?Kështu kemi vepruar edhe në disa raste në të Kaluarën si dhe në disa raste gjatë presidencës sonë në Këshillin e BE-së?, ka thënë ai për ?Veçernje novosti?.

Korçok, i cili së bashku me kryeministrin e Sllovakisë, Peter Pellegrini, do të marrë pjesë në Samitin e Sofjes, ka thënë se Sllovakia shumë herë është përcaktuar qartë se çfarë lloj qëndrimi ka për Kosovën.

?Qëndrimi i Sllovakisë ndaj shpalljes së njëanshme të pavarësisë së Kosovës nuk ndryshon?, citojnë tutje mediat serbe Korçok.

Ai ka folur edhe rreth integrimeve në BE të vendeve të Ballkanit Perëndimor.

?Shtetet e Ballkanit Perëndimor duhet të plotësojnë të gjitha kushtet dhe për të arritur përparim të mjaftueshëm për të mbyllë të gjithë kapitujt. Këto janë thelbësore dhe kërkesat e vetme për anëtarësim në BE?, ka thenë Korçok, i cituar nga  “telegrafi”.





Lajmet e fundit nga