web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e paligjshme e ministres Nikolla/ Vokshi thirrje prindërve

3 Maj 2018, 19:45, Aktualitet CNA

Deputetja e Partisë Demokratike, ka reaguar pas denoncimit të bërë nga CNA.al, lidhur me kërkesën e paligjshme të ministres së Arsimit Lindita Nikolla, që mësuesit të mbledhin të dhënat personale të prindërve të nxënësve pa arsye dhe “rrufe”.

Me anë të një postimi në rrjetet sociale, ajo u bën thirrje prindërve që të mos pranojnë të dorëzojnë informacionet personale.

Ajo shkruan:

MINISTRIA E ARSIMIT PËRDOR NXËNËSIT DHE NË MËNYRË TË PALIGJSHME KËRKON PA DHËNË ARSYE, TË DHËNAT PERSONALE TË PRINDËRVE

Një porosi rrufe dhe e paligjshme nga Ministria e Arsimit është shpërndarë sot pasdite në të gjitha shkollat e vendit. Kjo është tabela që mësuesit kujdestarë duhet të mbushin duke detyruar nxënësit të sjellin në shkollë: kartat e identitetit të prindërve, numrat e telefonave, adresat e e-maileve dhe të dhëna të tjera personale.

Tabela është shpërndarë me urgjencë, duke kërkuar që të mbushet brenda ditës së nesërme. Në disa raste, për shpejtësi, prindërve u është kërkuar ose t?i nisin të dhënat me sms apo edhe fotokopje e kartave të identitetit të prindërve.

E kjo, vetëm me urdhër verbal, në fshehtësi të plotë, pa dhënë asnjë arsye PSE duhen këto të dhëna.

Ky urdhër i Ministres Nikolla, është JO TRANSPARENT, I PALIGJSHËM DHE ABUZIV!!! Legjislacioni në fuqi për Mbrojtjen e të Dhënave Personale ndalon rreptësisht përdorimin apo përpunimin e tyre pa ditur qëllimin.

I kërkojmë Ministres Nikolla të japë sqarime kush ka kërkuar të dhëna që me ligj konsiderohen private dhe për cilën arsye?

U bëjmë thirrje PRINDËRVE të refuzojnë dhënien e të dhënave personale, pasi përveçse ngjan si një histori “spiunazhi”, është krejtësisht i paligjshëm dhe të dhënat e tyre rrezikojnë deri sigurinë e jetës. PRINDËRIT të refuzojnë dhënien e çdo informacioni pa marrë sqarime pasi ligji (Nr. 9887, datë 10.3.2008) përcakton qartë që prindi duhet të japë pëlqimin për përpunimin e të dhënave të veta si dhe të jetë i informuar mbi qëllimin dhe përpunuesin e të dhënave (Neni 7). /CNA.al





Lajmet e fundit nga