web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Deputeti gjerman kërcënon Shqipërinë: E kam humbur durimin me politikanët shqiptarë

28 Prill 2018, 14:46, Aktualitet CNA

Deputeti gjerman i Bundestagut, i cili i përket partisë CDU/CSU, Thorsten Frei, ka qenë kohët e fundit një nga zërat më aktivë mbi procesin e hapjes së negociatave të Shqipërisë. Thorsten Frei u kontaktua nga gazeta ?Shekulli? në lidhje me avancimin e Shqipërisë drejt Bashkimit Europian dhe reformave të përmbushura deri tani. Në opinionin e tij, Shqipëria ka bërë pak përparim në çështjen e Vettingut dhe zbatimin e reformave. Në një komunikim përmes postës elektronike, Frei dërgoi reagimin e tij duke u shprehur kritik me atë çfarë po ndodh në Shqipëri.

Sipas tij, problemi kryesor është së politika Shqiptare implementon nën presion nga komuniteti ndërkombëtar vetëm reformat e domosdoshme.

?Në letër, Shqipëria ka një nga sistemet konstitucionale më të mira në Europë. Por fatkeqësisht vetëm në letër. Në përgjithësi, korrupsioni është akoma i përhapur. Procesi i Vettingut po ecën shumë ngadalë, vetëm një grusht i vogël gjykatësish janë kontrolluar gjatë procesit. Ka shumë lidhje të pazgjidhura midis qarqeve të larta drejtuese dhe krimit të organizuar. Politikanët shqiptarë ndikojnë mbi njerëzit kurdoherë që të jetë e mundur. Për shembull, në procesin e marrjes në punë në sektorin publik. Fatkeqësisht, dikush ka mendimin se reformat janë bërë vetëm si rrjedhojë e kërkesës së Bashkimit Europian dhe sepse Bashkimi Europian e kërkon këtë gjë.?- është shprehur deputeti gjerman.

Gjithashtu ai thotë se e ka humbur besimin që politikanët po e ndërtojnë axhendën e tyre sepse reformat janë të mira për vendin e tyre dhe për të gjithë popullin në Shqipëri.

?Aksidentalisht, unë gjithashtu kam humbur stilin e nevojshëm politik për t?u marrë me politikanët shqiptarë. Kjo nënvizohet edhe si pasojë e sharjeve dhe fyerjeve ndaj kolegut tim Gunter Krichbaum, po aq dhe nga sjellja e qeverisë dhe përfaqësuesve të opozitës në parlament. Në vend të politikës konstruktive, diskretitimi dhe tallja ndaj opinioneve të kundërta është bërë shpesh shënjestër e goditjeve të pakuptimta.  Me respekt të thellë e them se, është vetëm në dorë të Shqipërisë të vazhdojë rrugën në drejtim të Bashkimit Europian. Gjermania nuk do të lejojë, me çdo çmim që të jetë, hyrjen e Shqipërisë në Bashkimin Europian pa u plotësuar dhe përmbushur të gjitha kriteret e Kopenhagenit?.-deklaroi Thorsten Frei.





Lajmet e fundit nga