web counter
LEXO PA REKLAMA!

SHKARKO APP

App Store
Google Play

Vrasja në Kamëz/ Zbardhet dëshmia e bashkëpunëtorit: Ladi më tha 'do ndajmë çdo gjë'

28 Prill 2018, 10:26, Aktualitet CNA

Ndërsa policia vijon hetimet për zbardhjen e ngjarjes së në Kamëz disa ditë më parë ku u vra shtetasi Agim Buci gjatë një tentative grabitjeje në minimarketin e tij, detaje të reja zbulohen.

Policia ka zbardhur dëshminë e njërit prej autorëve të ngjarjes.

“Ladi më tha hajde me mua, marrim çfarë të gjejmë dhe i ndajmë bashkë. Unë vetëm e çova me makinë, nuk kam asnjë faj. Nuk e dija se do qëllonte?, mësohet të ketë thënë Hode para uniformave blu.

Një ditë më parë, policia zbardhi ngjarjen duke arrestuar dy autorët e krimit, Vladimir Kurtin dhe Rruzhdi Hoden, ndërsa mësohet sot se polumbarët vijojnë kërkimet në Lumin e Tiranës për gjetjen e pistoletës së përdorur në krim.

Të dy autorët kanë pranuar krimin para policisë. Nga hetimet bëhet e ditur se plani për grabitjen e marketit, ku u vra 52-vjeçari dhe u plagos bashkëshortja e tij, Merita Buci, është ideuar nga Vladimir Kurti, i cili jeton pranë banesës së familjes Buci, në rrugën ?Beslidhja?, në Kamëz.

Mësohet se 28-vjeçari e kishte piketuar dyqanin e familjes Buci, pasi kishte parë se në mbrëmje aty kishte pak lëvizje dhe pak ndriçim dhe zakonisht shërbente vetëm gruaja, pasi bashkëshorti i saj punonte në një kompani interneti.





Lajmet e fundit nga