KLSH përballet në Gjykatë me Prokurorinë/ Ja “dosja e nxehtë” që i përplasi

28 Prill 2018, 12:36, Aktualitet CNA

Në rubrikën e përjavshme ?Dosjet e nxehta dhe kallëzimet penale të Kontrollit të lartë të shtetit?, emisioni ?Java? në RTSH njoftoi mbrëmë se KLSH dhe Prokuroria e Tiranës do të përballën në fillim të javës së ardhshme në gjykatën e Tiranës për tenderin e dhënies me konçension të një sipërfaqeje toke 101, 2 ha në Spitallë të Durrësit për ndërtimin e një impianti ferrokromi.

KLSH, në bazë të auditit për këtë tender, ka bërë në datë 10.12.2017 kallëzim penal ndaj pesë anëtarëve të Komisionit të Vlerësimit të Ofertave pranë ish Ministrisë së zhvillimit Ekonomik, Turizmit, Tregtisë dhe Sipërmarrjes. Ata akuzohen për veprën penale të shkeljes së barazisë në tendera dhe ankande publike.

Raporti i KLSH-së liston me hollësi ato që ai i vlerëson si shkelje në funksion të favorizimit të njërës prej firmave pjesëmarrëse. Një fakt i çuditshëm është se në vlerësimin përfundimtar katër anëtarë të Komisionit kanë dhënë vlerësim për të gjithë zërat që përmban oferta, dy prej tyre kanë dhënë vlerësime të pjesshme duke lënë pa pikë dy zëra, tre prej anëtarëve nuk kanë bërë bërë vlerësim fare.-raporton Panorama.

A mund të quhet i ligjshëm një vlerësim i tillë? Logjika elementare të thotë jo, përndryshe komisioni bëhej jo me nëntë por me katër anëtarë?, tha mbrëmë analisti Preç Zogaj në emisionin ?Java?, duke shtuar se ?ata që nuk donin të jepnin vlerësime duheshin zëvendësuar për t?i dhënë legjitimitet tenderit?

Kallzimi i KLSH, siç ka ndodhur e ndodhur disa herë, është mbyllur nga Prokuroria e Tiranës. KLSH është kundërpërgjigjur duke berë ankim në Gjykatën e faktit në Tiranë. KLSH dhe Prokuroria e Tiranës do të përballën për herë të parë në gjykatë për ankadin e Spitallës. Emisioni ?Java?, që ndjek prej disa muajsh fatin e kallzimeve dhe rekomandimeve të KLSH-së, theksoi mbrëmë se Prokuroria ka pyetur vetëm katër anëtarë të Komiisionit të Vlerësimit të Ofertave dhe ajo që bie në sy nga pyetja e tyre është fakti i deshmive identike, copy paste, që ata kanë dhënë. Mbi këto dëshmi identike prokurori i çeshtjes ka mbyllur hetimin.

?As strofat e poemës së mirënjohur të Naim Frashërit ?Bageti e Bujqësi?, katër vetë nuk i thonë dot njëlloj deri edhe me tre pikat e retiçencës, siç ka ndodhur me dëshmitë e marra nga Prokuroria e Tiranës për ankandin e Spitallës?, tha Zogaj. Gjykata do të shprehet javën e ardhshme.