web counter
LEXO PA REKLAMA!

SHKARKO APP

App Store
Google Play

Magjistari i njohur detyrohet të shpjegojë iluzionin e tij më të famshëm

20 Prill 2018, 13:35, Kuriozitete CNA

Me mbi 40 vite karrierë, 11 rekorde Guinness dhe 21 çmime Emmy, David Copperfield mund të konsiderohet pa frikë iluzionisti më i suksesshëm në historinë e njerëzimit. Copperfield është kalorës në Francë, ka një yll në Hollywood Walk of Fame dhe është quajtur Legjendë e Gjallë nga Library of Congress. Dje, magjistari botëror u detyrua të tregonte sekretin e një prej iluzioneve më popullore, i quajtur ?Lucky #13.?

Në 2013-n, në Las Vegas, një nga pjesëtarët e audiencës mori pjesë në iluzionin që kërkon 13 persona dhe thotë se u dëmtua gjatë performancës. Turisti britanik, Gavin Cox, hodhi në gjyq iluzionistin për neglizhencë dhe deklaroi se gjatë shfaqjes nxorri nga vendi shpatullën e pagoi më shumë se $400,000 për trajtime mjekësore.

Iluzioni në fjalë, ?Lucky #13? ëstë performuar mijëra herë më parë, pa incidente të këtij lloji. Performanca konsiston në 13 persona nga audienca që mbyllen në një kuti të ngritur në ajër. Të 13 zhduken para syve të publikut dhe rishfaqen në fund të sallës. Shihni një demonstrim në videon më poshtë:

Gjyqtari vendosi se magjistari duhet të tregojë sekretet e iluzionit, edhe pse Copperfield tha se do të ishte tejet e dëmshme për të.

Producenti ekzekutiv i Copperfield shpjegoi se në momentin që bie perdja, të 13 pjesëmarrësit futen në tunele sekrete që i bien rrotull ndërtesës nga ku dalin jashtë dhe rihyjnë nga dera e pasme.

Sipas paditësit, tunelet në fjalë ishin të të mbushura me tym dhe materiale ndërtimi të paqëndrueshme. Copperfield nga ana tjetër thotë se tunelet ishin në rregull kur i testoi./CNA





Lajmet e fundit nga