web counter
LEXO PA REKLAMA!

SHKARKO APP

App Store
Google Play

Ishulli i bekuar/ Zbulohet vendi ku balta është më e çmuar se paratë

18 Prill 2018, 13:40, Kuriozitete CNA

Askush nuk do ta kishte menduar se një ishull i vogël do të ndryshonte të gjithë të ardhmen e Japonisë, por zbulimi në këtë tokë të braktisur i ka lënë të gjithë pa fjalë.

Balta e gjetur në  një ishull të vogël në oqeanin Paqësor duket se përmban një depozitë thuajse e pafundme mineralesh të rralla

Mineralet e rralla, të fshehura mes 16 milionë tone balte në ishullin e vogël Minamitori, përmbajnë elementë të rrallë të tabelës periodike, që përdoren në pajisjet e teknologjisë së lartë, si telefona celularë, sisteme raketash, radarë dhe makina hibride.

Për shembull, itriumi, një nga më të njohurit mes mineraleve të rralla dhe që te balta japoneze gjendet me shumicë, përdoret për të prodhuar lente, superpërcjellës apo ekranë telefonash celularë.

Ishulli Minamitori është mbi 1.600 km larg Tokios, por është pjesë e kryeqytetit dhe gjendet brenda Zonës Ekonomike Japoneze, diçka që e bën baltën e çmuar pronë të Japonisë.

16 milionë tonët e baltës vlerësohet se përmbajnë 780 vite furnizim me itrium, 620 vite me europium, 420 vite me terbium dhe 730 vite disprosium.

Me pak fjalë mund të furnizojnë botën thuajse përjetësisht./CNA





Lajmet e fundit nga