7 arsyet shëndetësore pse është më mirë që të flini pa rroba

16 Prill 2018, 12:25, Kuriozitete CNA

Sipas studimeve të herëpashershme vetëm 30% prej nesh flenë lakuriq dhe pjesa tjetër preferojnë të qëndrojnë me të brendshme ose të blejnë pizhame të rehatshme. Por se cila nga këto është më e mirë për shëndetin tonë nxit debat. Kjo pasi disa thonë se gjumi me rroba ka më shumë përfitime shëndetësore sesa mund të mendojmë ne. Dhe të tjerë theksojnë se kjo nuk vlen për të gjithë.

Shumë njerëz zgjedhin të heqin qafe rrobat thjesht sepse e gjejnë veten më rehatshëm. Por gjumi pa rroba ka gjërat pozitive për shëndetin tuaj që ndoshta nuk i dinit.

Më poshtë ju tregojmë disa nga faktet më të rëndësishme që ndikojnë nëse flini siç ju ka bërë nëna natyrë:

1.Ju ndihmon të keni një gjumë më të thellë.

Shkencëtarët nga Universiteti i Amsterdamit kanë zbuluar se ulja e temperaturës së lëkurës rrit mundësinë që sytë të mbyllen dhe zvogëlon numrin e herëve që mund të zgjoheni gjatë natës. Fjetja zhveshur është një mënyrë e mirë për të ulur temperaturën e lëkurës pa ndryshuar temperaturën e dhomës tuaj të gjumit, në mënyrë që të mos ftoheni.

Për më tepër, pizhamet kufizojnë lirinë tuaj të lëvizjes. Fjetja lakuriq do të thotë që ju nuk duhet të shqetësoheni se mos rrobat ju mblidhen dhe kjo ju ndihmon të keni një gjumë më të mirë dhe më të thellë.

2.Ju ndihmon të humbni peshë.

Për fat të keq, nuk mund të bëhemi të dobët vetëm duke fjetur, por në kombinim me një dietë dhe stërvitje të rregullt, gjumi i duhur mund të ndihmojë të humbisni një peshë të vogël. Sipas studiuesve të lidhur me Institutet Kombëtare të Shëndetit, fjetja në temperatura të ulëta nxit metabolizmin dhe parandalon përparimin e diabetit.

Përveç kësaj, niveli i kortizolit, hormoni i stresit, gjithashtu luan një rol këtu. Ndërkohë që flemë mbinxehja, nivelet e kortizolit tona qëndrojnë të larta. Kjo, nga ana tjetër, mund të çojë në shtimin e peshës, në rritjen e ankthit dhe madje edhe në dëshirën për ushqime të thata.

3.Ndihmoni lëkurën tuaj.

Gjatë gjithë ditës, këmbët dhe pjesët tona intime mbulohen nga shtresa të shumta rroba. Duke mos i veshur rrobat e gjumit, ne i japim trupit tonë dhe sidomos pjesëve që kanë tendencën të djersen më shumë, një shans për “të marrë frymë”. Kjo mund të zvogëlojë rrezikun e disa sëmundjeve të lëkurës.

Për më tepër, fjetja në temperatura të ulëta mbron qelizat tona dhe ka një efekt anti-plakje. Kjo ndodh falë melatoninës, i quajtur edhe “hormoni i gjumit”, i cili është përgjegjës për parandalimin e plakjes së qelizave.

4.Ndihmon në mbajtjen e flokëve të bukur.

Djersa mund të dëmtojë seriozisht flokët tuaj. Djersa e thatë lë shumë kripë që mund të irritojë kokën tuaj dhe të bëjë flokët më të prekshëm ndaj këputjeve. Fjetja në temperatura të ftohta do t’ju lejojë të djersitni më pak dhe të keni flokë të bukur dhe më të fortë.

5.Mban organet riprodhuese “më të lumtura”.

Organet riprodhuese të femrave mund të jenë një mjedis i mirë për zhvillimin e kërpudhave dhe baktereve. Fjetja lakuriq ndihmon për ta mbajtur këtë zonë të ftohtë, të thatë dhe “ajrosur”, dhe kjo zvogëlon rrezikun e mbinxehjes.

Për burrat, të brendshmet e shtrënguara mund të ndikojnë në cilësinë e spermës dhe shëndetin riprodhues. Për të ulur këto rreziqe, rekomandohet t’i hiqni mbathjet para gjumit.

6.Ndërton vetëbesim.

Vetëbesimi është çelësi për një karrierë të suksesshme dhe një jetë shoqërore të përmbushur. Fjetja lakuriq ju ndihmon të bëheni më të sigurt për lëkurën tuaj. Dhe kur të jeni të kënaqur me trupin tuaj ashtu siç jeni, ju keni vetëbesim në çfarëdolloj veshjeje që vishni gjatë ditës.

7.Përmirëson jetën bashkëshortore.

Sipas studimit të mbi 1000 personave, ata që flenë lakuriq kanë martesa dhe marrëdhënie më të lumtura. 57% e tyre raportuan se kishin marrëdhënie më të kënaqshme romantike me partnerin e tyre, krahasuar me vetëm 48% të atyre që flinin në pizhame.

Kjo mund të shpjegohet me kontaktin e lëkurës në lëkurë që liron një sasi të madhe të oksitocinës, të quajtur edhe “hormoni që të bën të ndihesh mirë”. Oksitocina, nga ana tjetër, ju bën të ndiheni më të relaksuar dhe ju përmbyt me dashuri për të dashurit tuaj./CNA