web counter
LEXO PA REKLAMA!

SHKARKO APP

App Store
Google Play

PD bojkoton Parlamentin

3 Prill 2018, 12:17, Aktualitet CNA

Partia Demokratike ka vendosur të bojkotojë  punimet e Komisioneve Parlamentare në Kuvend.

Vendimi për bojkot erdhi pas vendimit për mosbindje civile të marrë në mbledhjen e përbashkët të opozitës që u zhvilluar mbrëmjen e së hënës.

Me nisjen e punës në Komisionet Parlamentare asnjë deputet i PD-së nuk ka qenë i pranishëm ditën e sotme.

Kështu mbledhja e Komisionit për Zhvillim Ekonomik është mbajtur pa praninë e deputetëve demokratë.

Ky vendim i PD-së për të bojkotuar punimet e komisioneve në Kuvend , duket se do të vazhdojë edhe për ditët e tjera, deri në një vendim të dytë.

Kujtojmë që pas mbledhjes së mbrëmshme, Lulzim Basha dhe Monika Kryemadhi u shprehën se do të ketë protesta popullore në të gjithë Shqipërinë kundër taksave të vendosura nga qeveria e Ramës.

?Në këtë vend nuk ka demokraci! Në këtë vend Qeveria shkel Kushtetutën, ligjin pa i dhënë llogari askujt dhe pa asnjë pasojë. Merr fund dhe kapet reforma në drejtësi! Këtu nuk ka më rregulla loje demokratike. Hapësira e vetme është mosbindja qytetare dhe kjo nis që këtë javë me refuzimin, të çdo takse që ka rritur Edi Rama dhe me të gjitha hapat, format dhe mënyrat e mosbindjes qytetare si forma më e lartë e veprimit politik e qytetar kundër një klike që po zbras Shqipërinë?, tha Basha./CNA.al





Lajmet e fundit nga