web counter
LEXO PA REKLAMA!

SHKARKO APP

Lobimet ruse/ Berisha: Ndërhyrjet e Rusisë në Shqipëri janë reale...

2 Prill 2018, 20:58, Aktualitet CNA

Ish-kryeministri, njëherësh lideri historik i Partisë Demokratike, Sali Berisha, është shprehur se, “Ndërhyrja ruse në Ballkan është reale”.

I ftuar në emisionin “Debati” në Channel One, tha vlerësoi se, “Vendi me interesa strategjike më të mëdha në Ballkan pas shpërbërjes së perandorisë Austro-hungareze, ka qenë është dhe do të jetë Rusia. Fatmirësisht shqiptarët janë një komb jo rusofil. Ëndrra Ruse dhe serbe ka qenë dhe është Durrësi. Bosfori dhe Adriatiku dy qëllimet kryesore të Rusisë.”

Ai u shpreh se, “Rusia ka bërë përpjekje edhe për në Shqipëri, dhe shtrat i rusofilisë është Partia Socialiste.”

Në vijim, ish-kryeministri tha se, “Sofokli Lazi, Kristaq Rama, Ramiz Alia dhe bashkëshortja e tij kanë qenë agjentë të KGB-së ruse.”

Teksa komentoi shkrimin e “MotheJones” lidhur me lobimet ruse në favor të Lulzim Bashës dhe Partisë Demokratike në SHBA, tha, “PD nuk ka pasur asnjë kontakt me asnjë faktor rus, cilido qoftë ai. Nuk ka marrë një qindarkë nga rusët dhe nuk ka firmosur asnjë kontratë me rus. Se çfarë mund të ketë bërë dikush në kurriz të saj kjo nuk dihet, por hetimet do të thonë të veten. Prokuroria dhe byroja federale po e hetojnë.” /CNA.al





Lajmet e fundit nga