web counter
LEXO PA REKLAMA!

SHKARKO APP

App Store
Google Play

E fundit!

x

Tarifa për "Rrugën e Kombit"/ Berisha: Studimin e bëmë ne. Ja si do të funksiononte

2 Prill 2018, 19:38, Aktualitet CNA

Ish-kryeministri Sali Berisha, njëherësh lideri historik i Partisë Demokratike, Sali Berisha, është shprehur se situata aktuale në vend është shumë e keqe, dhe kryeministri Edi Rama është fajtori kryesor për atë që po kalon vendi.

Ai i doli në mbështetje qytetarëve të arrestuar në Kukës pas protestës për rrugën e kombit.

Berisha tha, në studion e emisionit “Debati” në Channel One se, “Sot ata që e kanë pësuar më shumë nga ajo që ndodhi nuk janë lumjanët, as hasianët as tropojanët, por lushnjarët, kavajasit fierakët, etj., pasi me këtë tarifë prodhimet e tyre do të mbetet të hidhen. Ata kanë investuar duke parë atë rrugë. Nga ajo rrugë kanë fituar më shumë se kushdo tjetër fermerët e nën-Shkodrës dhe Shqipërisë së mesme.”

Më tej ai e pranoi se qeveria e tij, gjatë kohës kur ministër ishte i ndjeri Sokol Olldashi, kishte bërë një studim për të vendosur taksë për “Rrugën e Kombit” dhe nga studimi rezultoi që taksa të ishte nga 2-5 euro e jo më shumë, por sërish u vendos të hiqej komplet.

Ai tha se edhe qeveria e tij do t’ia jepte kompanive private për mirëmbajtje, por pa pasur taksë për rrugën, pasi ishte mjaftueshëm taksa që vjelej nga taksa e qarkullimit që vendoset në karburante. Sipas Berishës, kompania do të merrte deri në 8 milionë euro për të ofruar mirëmbajtjen e rrugës. Ish-kryeministri tha se aktualisht Shqipëria është vendi i pestë në botë me çmimin më të lartë të karburantit. /CNA.al





Lajmet e fundit nga