web counter
LEXO PA REKLAMA!

SHKARKO APP

App Store
Google Play

Mbledhje e përbashkët PD-LSI/ Zbulohet qëndrimi i Bashës dhe Berishës

2 Prill 2018, 17:54, Aktualitet CNA

Ndërkohë që vijon mbledhja e përbashkët e dy grupeve parlamentare në opozitë PD-LSI, janë zbardhur disa detaje lidhur me diskutimet që po bëhen. Sipas burimeve nga PD, mësohet se dy partitë më të mëdha opozitare në vend po planifikojnë nisjen e protestave popullore kundër rritjes së taksave.

Burime nga PD bëjnë me dije se kreu i PD-së Lulzim Basha ka theksuar, ?Është momenti për të qenë në krah të njerëzve? dhe se do tu bëhet thirrje qytetarëve që të mos paguajnë disa taksa dhe tarifa.

?Vendimin duhet ta vëmë menjëherë në zbatim. Thirrje qytetarëve për të mos paguar taksën e Rrugës së Kombit, taksën e karburantit, taksen e rritur të pronës, të biznesit të vogël, tarifën e rritur të ujit. Në këtë situatë ku Rama e futur vendin, ne nuk ndjekim interesin tonë vetjak, por duhet të lidhemi me qytetarët. Duhet të jemi në krah të njerëzve. Të vendosim cilat janë hapat e parë, duke nisur me praninë masive të opozitës në sallën e gjyqit, sepse ata janë simboli i mosbindjes civile. Ne nuk çojmë kërkesë për leje në polici. Do ta kërkojmë kur të jetë arrestuar Olsi Rama, Agron Xhafaj, Saimir Tahiri?, mësohet të ketë thënë kryedemokrati Basha.

Të njëjtat burime theksojnë se në mbledhje ka folur edhe ish-kryeministri njëherësh lideri historik i PD, Sali Berisha, i cili e ka cilësuar kryeministrin Rama ?barbar të vërtetë?, dhe se protestat do të vijojnë deri në përmbysjen e kësaj qeverie.

?Lëvizjet e mëdha fillojnë kur s?e pret. Ne kemi përballë një barbar të vërtetë që nuk ka lënë asgjë pa përdorur, në radhë të parë kundër opozitës. Ndaj Kukësi e nisi, e ndezi shkëndijën. Ne nuk largohemi deri në përmbysjen e kësaj qeverie. A jemi shumë apo pak? Me siguri absolute ju them jemi shumë. Kjo është mosbindje me vendosmërinë që ta nisim dhe nuk kthehemi më?,- është shprehur ish-kryeministri Berisha. /CNA.al





Lajmet e fundit nga