web counter
LEXO PA REKLAMA!

SHKARKO APP

App Store
Google Play

Akuzat ndaj Ruçit/ Lulin e braktis kujtesa

2 Prill 2018, 11:40, Aktualitet CNA

Kryetari i Partisë Demokratike, Lulzim Basha sot nga Shkodra ndërsa ishte i pranishëm në ceremoninë përkujtimore në nderim të viktimave të masakrës së 2 prillit 1991, hodhi akuza të forta edhe ndaj kryeparlamentarit Gramoz Ruçi.

Në fjalën e tij, Basha u shpreh se ?2 prilli i vitit 1991 i mori Shkodrës dhe demokracisë 4 jetë të pakthyeshme, por na dha një dëshmi sa të pashlyeshme, historike po aq edhe aktuale:

Për pushtetin dhe pasurinë e tyre, trashëgimtarët politikë të diktaturës nga Edi Rama, tek Gramoz Ruçi, Fatmir Xhafa, kthehen në gen, kthehen në identitet, kthehen tek dhuna, tek urrejtja, tek krimi, tek shtypja, tek korrupsioni, kthehen tek grabitja e popullit dhe luksi për vete, tek pashpirtësia ndaj të tjerëve, kthehen tek diskriminimi politik dhe ekonomik.

Kjo dëshmi është sot më akute se kurrë.  Rama, Ruçi dhe dhe pinjollët e tjerë të diktaturës komuniste duan pushtet dhe pasuri me çdo kusht e me çdo çmim. Njësoj si para 27 vitesh vjedhin votën, shkelin ligjin, dhunojnë qytetarët e pasurohen për vete.

Modeli i tyre është e shkuara, është krimi që vrau djem të rinj, janë kriminelët, është pasurimi i qeveritarëve dhe varfërimi i qytetarëve.?

Por, kryetari i PD mesa duket e ?harron? në mëngjes se çfarë ka ngrënë në darkë.

Luli ?harron? ose bën sikur që ishte ai kontribues që personi të cilin ai sot e akuzon, është zgjedhur në krye të Kuvendit të Shqipërisë.

Rreth gjashtë muaj më parë, me 80 vota pro, Gramoz Ruçi u zgjodh në krye të Kuvendit dhe dyshohet se ishin të paktën tre deputetë të Lulit që votuan pro Ruçit, ndërsa emrat e tradhëtarëve nuk u zbuluan kurrë, pasi ndoshta edhe ishin të porositur prej tij.

Basha vazhdon të habisë me deklaratat e tij dhe nuk korrigjohet, vazhdon ti bëjë shqiptarët për budallenj, po ata nuk janë të tillë dhe e kuptojnë teatrin e Lulit. / CNA.al





Lajmet e fundit nga