web counter
LEXO PA REKLAMA!

SHKARKO APP

App Store
Google Play

E fundit!

x

Shokon Rama/ “Tufë vandalësh, nuk jam tërhequr”

1 Prill 2018, 09:27, Aktualitet CNA

Protesta e banorëve të Kukësit, ka nxjerrë edhe njëherë në konferencë për shtyp Kryeministrin Edi Rama.

Rama ka folur mbi vendosjen e pagesës në Rrugën e Kombit dhe lehtësirat e parashikuara për banorët më në nevojë të zonës së Kukësit, si dhe për sistemin e  kartave (abone) për përdoruesit e shpeshtë të rrugës.

?Gënjeshtra vrapon shpejt po i ka këmbët e shkurtra dhe shumë shpejt populli i Kukësit, do t?i tregojë me gisht zjarrnxitësit e Tiranës për gënjeshtrat e tyre lidhur me vendosjen e pagesës – dhe sigurisht do t?i ndëshkojë edhe më fort qershorin e ardhshëm, se sa ç?i ndëshkoi qershorin e shkuar?, ka thënë Rama para gazetarëve, por pa hequr dorë nga etiketimi i protestuesve si tufë vandalësh.

Më tej kryeministrit ka mohuar të jetë tërhequr nga nisma për vendosjen e tarifës për mirëmbajtjen e rrugës së Kombit.

?Sistemi që po them trajtohet sikur unë paskam bërë një tërheqje. Më vjen shumë keq. Për këtë proces ka një kontratë që është nënshkruar prej dy vjetësh dhe ka një vit që kompania ka filluar punë, ndërkohë ngrihet një furtunë në gotë dhe derdhet benzinë e ndizet zjarr mbi pronën e  përbashkët dhe mbi një investim që duhet ta dëmshpërblejë përsëri buxheti i përbashkët?, është shprehur më tej Rama.

Kryeministri është pyetur nga gazetarët edhe për dhunën e policisë ndaj qytetarëve, por përgjigja e tij ka qenë se është zbatuar vetëm ligji.

?Vetëm ju mund të bëni pyetje të tilla, sepse përgjigjja është e qartë, se dihet që ka një zonë të përcaktuar për protestën. Godet apo s?godet je në shkelje të ligjit dhe në ato kushte që ishin dje policia ka bërë më të mirën e mundshme duke ruajtur gjakftohtësinë përballë një tufe vandalësh?, ka thënë Rama./CNA.al





Lajmet e fundit nga