web counter
LEXO PA REKLAMA!

SHKARKO APP

E fundit!

x

Këshilli Bashkiak Kukës distancohet nga dhuna/ Ja 5 kushtet që i vendos qeverisë

1 Prill 2018, 17:38, Aktualitet CNA

Këshilli Bashkiak i Kukësit, ka reaguar përmes një deklarate për mediet lidhur me protestën e djeshme dhe arrestimin e protestuesve.

Në një deklaratë drejtuar Drejtorisë së Policisë së Qarkut Kukës dhe Prefektit të këtij Qarku, thuhet:

“Këshilli i Bashkisë Kukës i mbledhur sot më datë 1 Prill 2018, ora 17:, me prezencë të shumicës së këshilltarëve, ju bën me dije se:

Ngjarjet e ditës së djeshme të ndikuara nga rrethana të bëra të njohura para fillimit të protestës, degjeneruan në akte të dhunshme. Si rrjedhojë, situata doli jashtë kontrolli.

Distancohemi nga çdo akt dhune.

Ne, Anëtarët e Këshillit Bashkiak kërkojmë si më poshtë:

1. Lirimin e të gjithë të ndaluarve nga forcat e rendit;
2. Ndalimin e arrestimeve të mëtejshme;
3. Largimin e forcave speciale nga Kukësi, të cilat me format e tyre të veprimit janë munduar të ushtrojnë terror gjatë arrestimeve;
4. Deklarojmë se tarifa për “Rrugën e Kombit” është e panegociueshme për banorët e Kukësit;
Çdo tentativë për negociata nuk merret në konsideratë deri në lirimin e të arrestuarve.” /CNA.al





Lajmet e fundit nga