web counter
LEXO PA REKLAMA!

SHKARKO APP

App Store
Google Play

E fundit!

x

Trafikonte bizhuteri antike drejt Greqisë/ Pranga 31-vjeçarit nga Tirana

1 Prill 2018, 14:28, Aktualitet CNA

Policia Kufitare e Kakavijës ka vënë në pranga një 31-vjaçar nga Tirana i cili po kontrabandonte disa bizhuteri antike.

Sipas policisë, bëhet fjalë për shtetasin me iniciale, P.A., i cili është kapur në kufirin e gjelbër dhe mbi të rëndojnë dy akuza, ajo ?Kalim të paligjshëm të kufirit? dhe ?Trafikim të veprave të artit dhe kulturës?.

NJOFTIMI I POLICISË

Policia Kufitare e Kakavijes kap në kufirin jeshil një shtetas për ?Kalim të paligjshëm të kufirit? dhe ?Trafikim të veprave të artit dhe kulturës?.

Sekuestrohen në cilësinë e provës materiale sende të ndryshme antike prej metali, argjendi e bronxi. Shërbimet e Policisë Kufitare të Kakavijës, gjatë patrullimit në kufirin jeshil, kanë konstatuar dhe kapur në flagrancë një shtetas i cili po tentonte të hynte në territorin shqiptar nëpërmjet kufirit jeshil me shtetin grek në mënyrë të paligjshme.

Gjatë kontrollit fizik të bërë këtij shtetasi, shërbimet e Policisë Kufitare, kanë konstatuar se në çantën e krahut kishte sende të ndryshme antike prej metali, argjendi e bronxi.
Menjëherë shërbimet e Policisë Kufitare kanë njoftuar Specialistët e Seksionit për Hetimin e Trafiqeve në Drejtorinë Vendore të Policisë Gjirokastër, të cilët në përfundim të veprimeve të para hetimore kanë bërë arrestimin në flagrancë të shtetasit:Petrit A., 31 vjeç, banues në Tiranë.

Në cilësinë e provës materiale u sekuestrua çanta me sendet e ndryshme antike .
Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprat penale ?Kalimi i paligjshëm i kufirit? dhe ?Trafikimi i veprave të artit dhe kulturës?, parashikuar nga nenet 297 dhe 138/a të Kodit Penal. /CNA.al





Lajmet e fundit nga