web counter
LEXO PA REKLAMA!

SHKARKO APP

App Store
Google Play

E fundit!

x

Tarifa për rrugën e Kombit/ Dhomat e Tregëtisë:Dënojmë çdo akt vandal

2 Prill 2018, 09:48, Aktualitet CNA

Pas djegies dhe shkatërrimit të investimit privat,  që prodhoi protesta e para dy ditëve  në rrugën e Kombit  ka ardhur reagimi  i Forumit të Dhomave të Tregëtisë

Përfaqësuesit e biznesve kanë dënuar sulmin ndaj biznesit, dhe kanë premtuar rishikim të tarifës.

Presidenti i BiznesAlbania, Luan Bregasi ka thënë, se tarifa do të rishikohet nga kompania koncensionare.

Më i ashpër ka qenë Kryetari i Dhomës së Tregëtisë&Industrisë Tirane Nikolin Jaka, i cili e ka quajtur akt vandal, ngjarjen në rrugën e Kombit, ndërsa ka shtuar se asnjë sipërmarrës nuk është oligark.

?Dënonjmë çdo akt vandal. Ka hapësirë për dialog me konçesionarin. Asnjë sipërmarrës nuk është oligark. Sipërmarrja është e orientuar për sa më pak taksa. Dënojmë rëndë vandalizmin mbështesim çdo qytetar dhe çdo sipërmarrës që kërkon transparencë, dialog dhe ndërmjetësim.  Nëse i hidhemi në sulm një sipërmarrësi që ka investuar, ne i bie që mbajmë vetëm njërën anë. Është obligimi i secilit prej nesh, që raporti ekonomik Kosovë-Shqipëri të ketë hjapësirat  e duhura?, ka thënë Jaka.

Në mënyrë unanime përfaqësuesit e biznesit kanë kërkuar  hapjen e  dialogut  mes Qeverisë dhe koncensionarit.

Fillip Gjoka, Presidenti i shoqatës së prodhuesve të Shqipërisë, ka thënë se  do të shikohet mundësia për t’ iu ofruar lehtësira banorëve që jetojnë atje.

?Denoncojmë dhunën që është ndërmarrë ndaj biznesit. Ne  do të takojmë koncensionarët dhe do të ulemi të shohim mundësinë për banorët që janë atje dhe për bizneset që kanë lëvizje të mëdha apo fermerët që duhet të shesin produktet e tyre në metropol?, ka thënë  Gjoka./CNA.al





Lajmet e fundit nga