web counter
LEXO PA REKLAMA!

SHKARKO APP

App Store
Google Play

E fundit!

x

Përfundon mbledhja e opozitës/ Basha paralajmëron mosbindje civile

2 Prill 2018, 18:17, Aktualitet CNA

Ndërkohë që ka përfunduar mbledhja e përbashkët e opozitës në ambientet e Partisë Demokratike, kryetari i opozitës Lulzim Basha ka dalë në një komunikatë të përbashkët për shtyp së bashku me kryetaren e LSI-së, Monika Kryemadhi.

Ai su shpreh se, “Opozita do të jetë në krah të qytetarëve që po poshtërohen, në krah të kuksianëve që u grabit buka e gojës nga tarifa e Rrugës së Kombit, në krah të të gjithë shqiptarëve që preken nga rritja e taksave dhe vendosja e tarifave të ndryshme.”

Sipas Bashës, “Shkaktari për këtë është Edi Rama, që sundon në mënyrë ilegjitime, pasi vodhi zgjedhjet me bandat e tij të drogës. Në këtë vend nuk ka zgjedhje të lira e të ndershme, nuk ka demokraci.”, – tha Basha ndërsa bëri thirrje që ministri dhe ish-ministri i Brendshëm të dalin para drejtësisë.

Kryedemokrati u shpreh se, “Mënyra e vetme është mosbindja qytetare, duke nisur nga kjo javë, jo vetëm me refuzimin e tarifës për “Rrugën e Kombit”, por për të gjitha taksat e rritura. Vendim unanim i opozitës, që nis që sonte punën për të bërë realitet mosbindjen civile.”

Ai theksoi se, “Do të ndërthurim të gjitha format e nevojshme, në të gjitha format dhe mënyrat, për të qenë pranë të gjithë qytetarëve.”, ndërsa kërkoi, që “Të gjithë qytetarët të refuzojnë çdo taksë koncesionari dhe çdo taksë të rritur.” /CNA.al

Video:





Lajmet e fundit nga