E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Mosbindja civile/ Berisha tregon skenarin që do të ndiqet

3 Prill 2018, 15:48, Aktualitet CNA

Një ditë më parë Opozita Bashkuar bëri një mbledhje dhe mori një vendim për mosbindje civile ndaj Qeverisë.

Ish-kryeministri Sali Berisha gjatë një interviste për ABC News ka sqaruar se çfarë përfshin mosbindja civile.

?Është e vërtetë që qeveria përdor mjete repressive, përdor një kontroll të madh të mediave, me të cilat dhunon dhe manipulon opinionin publik, përdor si shpatë drejtësinë duke dhënë vendime të njëanshme dhe bërë sulme vetëm kundra opozitës, përdor dhunën policore si një mekanizëm tipik të narkoshtetit, milionat dhe miliardat që disponon nga droga.

Në këtë kontekst qeveria ka arritur të vendosë mbi qytetarët shqiptarë, të cilët nga të gjitha të dhënat e statistikat janë më të varfërit në Europë, taksa dhe tarifa ndër më të lartat.

Ndërkohë situata është dramatike në rrafshin ekonomik. Rritja ekonomike 4% është rritje kanabiste, rritje droge. Eshtë e vërtetë që ka individë të cilët kanë qindra milionë, por të tjerët bëhen gjithnjë e më të varfër. Pra, nuk është kjo një tregues i mirëqënies ekoniomike të shqiptarëve?, ka thënë Berisha.

Sipas Berishës, në këto rrethana, taksat e larta kanë qenë historikisht të të gjitha kohërave shkaqe të revoltave popullore dhe revolucioneve. Kjo erdhi më në fund dhe në Shqipëri. Qytetarët e Kukësit, Hasit dhe Tropojës vendosën ti thonë Jo një taksë plaçkë që Rama vendosi mbi Rrugën e Kombit.

?Rruga e Kombit është një rrugë që lidh Shqipërinë me Kosovën dhe nëse ti takson qytetarët e Kuksit, Hasit dhe Tropojës pse e përdorin dhe ata këtë rrugë dhe nuk takson qytetarët e tjerë shqiptarë, ti bën një diskriminim të tmerrshëm ndaj tyre.

Rruga e Kombit ka nevojë të madhe për mirëmbajtje dhe ne e bëmë studimin. Ne përcaktuam se sa kërkon kjo rrugë në vit për mirëmbajtje. Rama përpiqet të mbrohet me absurditete, por një tarifë që ne nuk e vendosëm, dhe studimin e kemi të 2010, do të thotë që ne mirëmbajtjen do ta bënim me taksën e qarkullimit. Taksa e qarkullimit, të cilën ky e rriti me 3.5 herë, mjaftonte me nivelin që kishim ne, 2010 e saj për të mirëmbajtur pa asnjë vështirësi Rrugën e Kombit dhe rrugët e tjera.

Por Rama këtë taksë kombëtare që ka destinacion absolut rrugët kombëtare, e përdor për zyra, lukse dhe orgjira dhe nuk e përdor për rrugë. Kështuqë vendosi tu vendosë, tu plaçkisë qytetarët e qarkut të Kuksit por dhe mbarë qytetarët e Kosovës. Rruga sjell në vit mbi 300 mln euro të ardhura për shqiptarët. Sot më të humbur nga rruga janë qytetarët e Lushnjes apo Kavajës, Beratit dhe Fierit sesa qytetarët e Kokësit?, ka thënë më tej Berisha.

Ish-kryeministri më tej është ndalur tek trefishimi i faturës së ujit, si dhe tek rritja e taksës së pronës.

?Shqiptarët ndonëse më të varfërit në Europë, janë populli apo ndër 5 popujt që paguajën më shtrenjtë naftën në botë. Pse? Sepse e ka bërë 320 lekë, apo 32 lëkë taksën e qarkullimit.

Për të gjitha këto së bashku opozita vlerëson se është koha e revoltës qytetare, e mosbindjes civile. Revolucioni kundër taksave të larta është revolucion për thelbin e lirisë ekonomike, pa të cilën liritë e tjera vyshken dhe bëhen thjeshjt fasadë.

Liria ekonomike ka një rëndësi kriritike për jetësimin e të gjitha formave të tjera të lirisë. Ndaj dhe kam besim të madh që opozita mori dje një vendim historik dhe qytetarët shqiptarë do jenë në lartësinë e guximit të tyre për të përmbysur këtë regjim që ka tejkaluar të drejtën në të gjitha veprimtaritë etij?, është shprehur Berisha.