web counter
LEXO PA REKLAMA!

SHKARKO APP

App Store
Google Play

Kërkohet fond i posaçëm për investime në doganë

3 Prill 2018, 14:20, Aktualitet CNA

Ministrja e Shtetit për Mbrojtjen e Sipërmarrjes, Sonila Qato ka zhvilluar këtë të martë një takim pune në pikën e kalimit kufitar të Qafë Thanës. Ajo u shoqërua në këtë takim nga prefekti i Korçës Dhori Spirollari.

Fillimisht ministrja Qato u ndal në pikën e skanimit të automjeteve që hyjnë dhe dalin nga kufiri shqiptar drejt Maqedonisë dhe anasjelltas. Njëkohësisht ajo ka ndjekur nga afër edhe mënyrën e procesimit në skaner të automjeteve, ndërkohë që më pas zhvilloi inspektime edhe në sektorë të tjerë të doganës, ku u njoh nga afër me punën që bëhet aty.

Në takimin që pati me drejtorin e doganës së Qafë Thanës, Ministrja e Shtetit për Mbrojtjen e Sipërmarrjes, Sonila Qato u njoh me disa nga problematikat që ekzistojnë në këtë doganë, që nga borxhi i akumuluar ndër vite dhe që mbetet për t?u mbledhur dhe deri tek ambientet e doganës, të cilat prej vitesh nuk kanë marrë asnjë investim në drejtim të infrastrukturës. Për këtë arsye drejtuesit e doganës i kanë kërkuar ministres që të vendoset një fond i posaçëm për të investuar në portën hyrëse në Maqedoni.

Nga ana e saj, ministrja deklaroi se një nga arsyet e kësaj vizite ishte për të parë nga afër nevojat që kanë ambientet dhe zyrat për invesrim.

?Është edhe një inspektim i zyrave shtetërore, punës së administratës, kushteve në të cilat punojnë, ambientet fizike të tyre?- tha ministrja Qato.

Ministrja e Shtetit për Mbrojtjen e Sipërmarrjes më pas ka vijuar me disa vizita në bizneset e zonës së Pogradecit.





Lajmet e fundit nga