web counter
LEXO PA REKLAMA!

SHKARKO APP

App Store
Google Play

Nuk lëshoi qirinjtë/ Policia dhunon të moshuarën tek "Kisha e Laçit"

3 Prill 2018, 14:05, Aktualitet CNA

Policia bashkiake, si në Tiranë ashtu edhe në qytete të tjera, vijon “luftën” e saj me shitësit ambulantë.

Një rast i tillë është regjistruar në Laç, pranë Kishës së “Shën Andonit”, njohur ndryshe edhe si kisha e Laçit, ku një grua në moshë kishte zgjedhur që të shiste qirinj për besimtarët dhe kështu nxirrte bukën e gojës.

Policia Bashkiake, ka ndërhyrë duke i sekuestruar as të gjithë mallin që kishte, e sikur të mos mjaftonte kjo, gruaja që kishte zgjedhur “Kishën e Laçit” për të shitur qirinj, është dhunuar nga policët bashkiakë, pasi ka bërë rezistencë për të mos lëshuar mallin.

E moshuara që ka rënë pre e dhunës nga policia dhënë një prononcim për News 24 ku tregon se ka dashur të hipë në fugonin e policisë bashkë me mallin, të cilin e kishte marrë borxh e nuk donte ta humbte, por policët e kanë shtyrë e dhunuar.

?Kam qënë tek kisha kur erdhi policia dhe na tha të largohemi. Ne nuk u larguam dhe unë si gjithë të tjerët. Më morën arkën e qirinjve, më thanë këto i morëm ne, nuk ke për të shit më. I thashë që qirinjtë i kam marrë borxh e nuk kam paguar lekë, ndaj më merrni edhe mua bashkë me qirinjtë. Shkova me hy në makinën ku futën qirinjtë. Kjo është makinë për mall, më thanë, më shtynë me forcë rashë pa ndjenja. Vetëm kur e pashë veten në spital. Më shtynë që të mos hipja në makinë?,- tregon gruaja episodin. /CNA.al





Lajmet e fundit nga