E fundit!

14:29 Aktualitet

Sezoni turistik 2026/ Fluks vizitorësh, por sfidat mbeten

Plazhet shqiptare janë mbushur me vizitorë, ndërsa sezoni ...

Gjekmarkaj tregon pse pushteti në vitin e pestë çmendet dhe pastaj bie

3 Prill 2018, 11:49, Politikë CNA

Në një analizë të bërë prej tij, analisti Agron Gjekmarkaj, ka treguar përse pushteti i qeveritarëve tanë në vitin e 1 të mandatit të tyre të dytë, ose në vitin e 5 të mandatit, fillojnë dhe dobësohen derisa bien.

Teksa ka renditur qeverisjen e Fatos Nanos, Sali Berishës, Gjekmarkaj nuk ka lënë pa analizuar dhe qeverisjen e Edi Ramës.

Gjekmarkaj shkruan së në vitin e 5-të të madatit, Rama dhe qeveria e tij u përfshinë në një sërë skandalesh që ia dobësuan pushtetin, si ?Çështja e Saimir Tahirit, imuniteti politik që ai mori, Teatri e kullat në Tiranë dhe protesta në Rrugën e Kombit?.

“Në qershor të vitit 2013, pushteti ndryshoi me një milion ?shpulla? dhe Edi Rama u bë Kryeministër.

Ai, pa asnjë ekuivok, me sinqeritet çarmatosës, na tha i sapodalë ?nuse?, që ?s?keni parë gjë akoma?.

Nuk zhgënjeu. Arrestoi me mijëra njerëz me hak e pa hak. Lulëzoi hashashi dhe koncesionet.

S?mbet njeri pa ia thënë, po i quajti ?garuzhde?, ?kazan?, ?baltë?! Në fushatë, shumëkush mendoi se kishte ndodhur mrekullia. Rama u paraqit i përunjur, gazmor e hokatar.

Vërtiti ?timonin?, ?tepsinë? e me muzikën e tyre, shto edhe ndonjë ndihmë nga hashashi, fitoi zgjedhjet.

Duke gjykuar nga mbledhjet e fjalimet, me të cilat qerasi miletin pas zgjedhjeve, pati nga ata që besuan se u bë esnaf dhe i arsyeshëm. Tani vetëm do përpiqet të lërë gjurmën e tij.

Idhtarët besonin se gjenialiteti i andrallosur nga rrethanat, tani do shpërthejë si përrua malor drejt e në lumin e shpresës.

Por kishte qenë një iluzion. Në vitin e pestë, disa ngjarje i ranë kambanës. Çështja e Saimir Tahirit, imuniteti politik që ai mori, Teatri e kullat në Tiranë, si dhe protesta në Rrugën e Kombit. Me një arrogancë fyese, ai i konsumoi të gjitha këto ngjarje.

Te më e fundit, Kryeministri vuri një taksë absurde për të gjithë ata që e frekuentojë rrugën për Kosovë.

Pesë euro, që në fakt janë dhjetë se ata që shkojnë, edhe kthehen, janë një grabitje e vërtetë, qoftë për kosovaret, qoftë për banorët këtej kufirit. Kësaj radhe, Rama mbeti në tunelin e Kalimashit.

Dështimin e mujsharisë së tij e pa live ne televizor. Atëherë kur nuk e priste, mori një reagim popullor të pazakontë.

Është hera e parë që ai ndeshet me një gjë të tillë gjatë qeverisjes së tij. Me gjasë, durimi ka një limit. Rama nuk u konsultua me askënd nga faktorët që preken nga kjo masë.

Ministri i tij i Ekonomisë është një i diplomuar në Anglisht. Se ç?lidhje ka me ekonominë, askush s?e di.

Tarifa e vendosur duket qokë e pastër në kurriz të njerëzve të thjeshtë. Ajo është e papërballueshme, aspak logjike. Protesta u shoqërua me ndëshkime policore si në diktaturat e vendeve latine.

Në një fazë kur bizneset mbyllen dhe investimet bien në mënyrë drastike, qeveria shtrydh qytetarët e zakonshëm, duke i goditur drejtpërdrejt në xhepin e tyre të varfër. Kur reagojnë, i burgos.

Rama ka deklaruar që këso tarifash do të vendosë gjithandej. Këto janë shenja që arroganca po e konsumon vetveten, duke kaluar drejt kufijve të çmendurisë. Pas çmendurisë s?ka gjë tjetër.

Aty nis rënia. Problemi ynë është se pushteti, kur bëhet opozitë, nuk reflekton, nuk ndreq asgjë, veç pret çmendjen e radhës me shpresën se e harrojmë çmendjen e saj të dikurshme”,-shkruan Gjekmarkaj. /CNA.al