web counter
LEXO PA REKLAMA!

SHKARKO APP

App Store
Google Play

E fundit!

x

2 prilli/ Basha në Shkodër: Vrasjet, akt hakmarrje kriminale

2 Prill 2018, 09:47, Politikë CNA

PD organizon sot në Shkodër ceremoninë përkujtimore në nderim të viktimave të masakrës së 2 prillit 1991, ku në qendër të Shkodrës u vranë katër djem të këtij qyteti. Me 2 prill 1991 Arben Broci, Bujar Bishanaku, Besnik Ceka dhe Nazmi Kryeziu, u qëlluan për vdekje nga forcat e policisë.

I pranishëm në këtë ceremoni përkujtimore, kreu i PD, Lulzim Basha u shpreh se ?27 vite më parë diktatura në frymën e saj të fundit preu në lulen e rinisë katër djem plot endrra për Shqipërinë Europiane. Nderim përjetë Arben Brocit, Bujar Bishanakut, Besnik Cekes dhe Nazmi Kryeziut.

Gjithashtu kreu i PD, tha se ?Sot është rasti të kujtojmë edhe bindjen tonë të thellë të cilen e përsërisim vit pas viti se rrasa e varrit nuk është fjala e fundit për heronjtë të cilet do jetojnë në përjetësi me vepren e tyre?.

Kreu i opozitës theksoi se emrat e tyre i kujtojnë Shkodrës dhe gjithë Shqipërisë çmimin e shtrenjtë të demokracisë, me të cilin krenohet Shkodra.

Ndër të tjera, Basha deklaroi se vrasja e tyre ishte padyshim një akt hakmarrje kriminale e regjimit që po rrëzohej.

Ngjarja e 2 prill të vitit 1991: 

Më 2 prill të vitit 1991, në qendër të Shkodrës u vranë katër djem të këtij qyteti. Arben Broci, Bujar Bishanaku, Besnik Ceka dhe Nazmi Kryeziu, u qëlluan për vdekje nga forcat e policisë. Në kohën kur ka ndodhur ngjarja, ministër i Brendshëm ishte Gramoz Ruçi, i cili sot është kreu i Kuvendit të Shqipërisë.

Pak kohë pas ngjarjes, të katër viktimat u nderuan me emrin ?Dëshmorë të Demokracisë?, ndërsa me një vendim të Këshillit Bashkiak të qytetit, 2 Prilli do të ishte dita e ?Dëshmorëve të Shkodrës?.





Lajmet e fundit nga