web counter
LEXO PA REKLAMA!

SHKARKO APP

App Store
Google Play

E fundit!

x

Këshilltarët bashkiakë të qarkut të Kukësit reagojnë për protestën: Dhunën e filloi FNSH-ja

31 Mars 2018, 15:31, Politikë CNA

Këshilli Bashkiak i Kukësit, Hasit dhe Tropojës ka reaguar pas mbarimit të protestës që u zhvillua në Rrugën e Kombit.

Në një deklaratë për mediat, këshilltarët bashkiakë shprehen se dhuna ka filluar nga ana e Forcave të Ndërhyrjes së Shpejte (FNSH), që para se të fillonte vetë protesta.

?Ne thirrëm një protestë paqësore, civile dhe qytetare për të cilën insistuam që të jetë e tillë deri në përfundimin e saj.

Aktet e dhunës filluan nga ana e forcave të ndërhyrjes së shpejte FNSH, para orës së fillimit të protestës. Ka qenë ndërhyrja e vazhdueshme e drejtuesve të protestës për të shmangur dhunën ndaj forcave të policisë.

Aktet e dhunës nga protestuesit erdhën pas acarimit të situatës.

Ne distancohemi nga çdo akt dhune ngado që të vijë.

I kërkojmë qytetarëve të Kukësit, Hasit dhe Tropojës që të sillen në mënyrë paqësore dhe qytetare dhe pas protestës, njëkohësisht duke falenderuar policinë e Kukësit për sjelljen korrekte të saj i kërkojmë që të shmangë në maksimum çdo veprim që mund të çojë në acarime të mëtejshme,?- shkruhet në deklaratën e firmosur nga Kryetari i Këshillit të Bashkisë Kukës, Gjelbrim Shehu dhe Kryetari i Këshillit të Bashkisë Tropojë, Ymer Hoxha.





Lajmet e fundit nga