web counter
LEXO PA REKLAMA!

SHKARKO APP

App Store
Google Play

E fundit!

x

Edmond Spaho: Qeveria i preu në besë protestuesit

2 Prill 2018, 10:56, Politikë CNA

Deputeti demokrat, njëkohësisht kreu i grupit parlamentar të PD, Edmond Spaho thotë se është qeveria ajo që shkeli marrëveshjen që kishte vendosur me protestuesit, duke I prerë në besë ata. Gjatë protestës para drejtorisë së policisë së Tiranës, Spaho tha se ishte rënë dakord që të pezullohej protesta në rrugën e Kombit, dhe të mos kishte arrestime, por qeveria e shkeli këtë marrëveshje.

?Këtu nuk bëhet fjalë për rregulla dhe ligje, po ka patur një akord mes qeverisë dhe protestuesve që të pezullohej protesta në rrugën e Kombit, të mos arrestoheshin njerëz, të hynin në dialog me autoritetet vendore për të gjetur një zgjidhje.

Për fat të keq qeveria e theu këtë marrëveshje në mirëbesim mes palëve dhe gjatë natës arrestoi 23 veta që ju tashmë e dini.

Nëpërmjet veprimeve të dhunshme me forca speciale, a thua se po kapnin kriminelët më të mëdhenjtë e këtij vendi që po bredhin të lirë. Qytetarët janë të vendosur që ata të lirohen?, tha Spaho për Top Channel.

Spaho tha më tej se protesta do të vijojë deri në lirimin e të arrestuarve, dhe madje do të rritet, pasi dot ë ketë solidaritet dhe nga rrethet e tjera të vendit.

?Protesta do të vijojë derisa të lirohen, ose këtu në Tiranë, ose në Kukës, madje të jeni të sigurtë që do të rritet dhe solidariteti nga rrethet e tjera të vendit për të liruar këta qytetarë që protestuan për të drejtën e tyre.

Ne nuk synojmë dhe nuk është në natyrën tonë që të përdorim akte të dhunshme. Protesta është e qetë pasi ata duan vetëm të shprehin kërkesat e tyre që të lirohen të arrestuarit?, vijoi ai.





Lajmet e fundit nga