E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Hapja e negociatave me Shqipërinë/ BE kërkon arrestimin e Saimir Tahirit

30 Mars 2018, 12:56, Aktualitet CNA

Deputeti i Partisë Demokratike, Enkelejd Alibeaj vijon akuzat të drejtim të kryeministrit Rama dhe ish-ministrit të Brendshëm, Saimir Tahiri.

Në një dalje për mediat mesditen e sotme, deputeti Alibeaj theksoi ndër të tjera se BE kush për hapjen e negociatave për anëtarësimin e Shqipërisë ka arrestimin e Saimir Tahirit.

Sipas Alibeajt, mbrojtja politike që kryeministri Rama i bëri Tahirit ka kosto të mëdha për Shqipërinë.

Alibeaj tha se provat e paraqitura janë të mjaftueshme për arrestimin e Tahirit, por ai mbrohet nga kryeministri i vendit.

Gjithashtu Alibeaj tha se ?Këto dhe shumë prova të tjera janë arsyeja pse kryeministri e ktheu parlamentin në gjykatë politike duke mos lejuar drejtësinë të bëjë punën e saj?.

Po ashtu, deputeti demokrat u shpreh se ?Edi Rama nuk mbron thjeshtë dhe vetëm ministrin e tij të brendshëm, por pushtetin e tij, i cili i ka rrënjet te kanabizimi i vendit, i vetmi projekt i suksesshëm i kësaj qeverie?.

Deklarata e e plotë e Alibeaj:

Nga përgjimet e autoriteteve italiane provohet se Saimir Tahiri, Ministër i Brendshëm, Jaeld Çela, Drejtor i Policisë së Vlorës i emëruar nga Tahiri, Florian dhe Moisi Habilaj, trafikantë droge që përdornin makinën e Tahirit, Gentian Çeka, shofer personal i Tahirit dhe Orest Sota, mik i Tahirit që iu gjetën 863 mije euro me patentat e Tahirit, janë një grup i strukturuar kriminal, secili me rolin e vet, me qëllimin e përbashkët, trafikimin e kanabisit drejt Italisë.

Por këto prova, që përbëjnë bazën e vendimit të Gjykatës së Krimeve të Rënda për të arrestuar drejtuesit më të lartë të Policisë së Vlorës, janë bërë të pavlefshme për arrestimin e Saimir Tahirit, sepse ish Ministri i Brendshëm, ka mbrojtjen politike të Kryeministrit të vendit. Këto prova të implikimit të Tahirit në trafikun e drogës, si dhe shumë të tjera për të cilat Edi Rama është në dijeni, janë arsyeja pse Kryeministri e ktheu Parlamentin në një Gjykatë Politike, duke mos lejuar Drejtësinë të bëjë detyrën.

Me vendimin për të mbrojtur Saimir Tahirin dhe për të mbyllur hetimet ndaj tij, Edi Rama nuk mbron thjesht ish Ministrin e tij të Brendshëm, por mbron pushtetin e tij, që i ka rrënjët tëk kanabizimi i vendit nëpërmjet kriminlaizimit të policisë, i vetmi projekt i suksesshëm i kryeministrit Rama.

Kostoja e imunitetit politik për Saimir Tahirin mund të rezultojë shumë e lartë për shqiptarët, përderisa vendet anëtare të Bashkimit Europian kërkojnë Saimir Tahirin para drejtësisë që Shqipërisë t?i hapen negociatat e anëtarësimit./ CNA.al